ప్రభాస్ కి పోటీగా నాగార్జున.. లాటరీ కొడతాడా?
on Feb 1, 2026
పాన్ ఇండియా స్టార్ ప్రభాస్(Prabhas) ప్రస్తుతం హను రాఘవపూడి దర్శకత్వంలో 'ఫౌజీ'(Fauzi) సినిమా చేస్తున్నాడు. ఈ పీరియడ్ యాక్షన్ డ్రామాను ఈ ఏడాది దసరాకు విడుదల చేయడానికి సన్నాహాలు చేస్తున్నారు. అయితే ఇదే దసరా సీజన్ పై కింగ్ నాగార్జున(Nagarjuna) కూడా కన్నేశాడు.
నాగార్జున తన ప్రతిష్టాత్మక 100వ సినిమా చేస్తున్న సంగతి తెలిసిందే. తమిళ దర్శకుడు రా కార్తీక్ దర్శకత్వంలో నాగార్జుననే ఈ చిత్రాన్ని నిర్మిస్తుండటం విశేషం. లాటరీ బ్యాక్ డ్రాప్ లో ఒక సామాన్యుడు సంపన్నుడిగా ఎదిగిన వైవిధ్యమైన కథతో ఇది తెరకెక్కుతున్నట్లు తెలుస్తోంది. ఈ సినిమాకి 'లాటరీ కింగ్' అనే ఆసక్తికర టైటిల్ ఖరారు చేసినట్లు సమాచారం. ఇదిలా ఉంటే ఈ చిత్రాన్ని కూడా దసరాకు విడుదల చేయడానికి ప్లాన్ చేస్తున్నారట. (Nag 100)
నాగార్జున ఒక మంచి హిట్ కోసం కసిగా ఎదురుచూస్తున్నాడు. పైగా వందో సినిమా కావడంతో 'లాటరీ కింగ్'పై ప్రత్యేక శ్రద్ధ చూపిస్తున్నాడు. అక్కినేని అభిమానులు కూడా ఈ సినిమాతో నాగార్జున భారీ విజయాన్ని అందుకుంటాడని నమ్మకంగా ఉన్నారు. అయితే ఈ సినిమా 'ఫౌజీ'కి పోటీగా విడుదలవుతుండటమే ఆసక్తికరంగా మారింది. మరి ప్రభాస్ తో బాక్సాఫీస్ ఫైట్ కి దిగి, నాగార్జున హిట్ అందుకుంటాడేమో చూడాలి.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
