పూరి జ‌గ‌న్నాథ్ అంటేనే స‌మ్ థింగ్ న్యూ. ఆయ‌న సినిమాల్లో ఏదో ఒక ప్ర‌త్యేక‌త ఉంటుంది. హీరో క్యార‌క్ట‌రైజేష‌న్ కు మాత్ర‌మే ఆయ‌న స్పెష‌లిస్ట్ కాదు...ఐట‌మ్ సాంగ్స్ ఆయ‌న సినిమాల్లో అదిరిపోయేలా ఉంటాయి.  ఇక పూరి డైర‌క్ష‌న్ లో వ‌చ్చిన `పోకిరి ` చిత్రంలో ఇప్ప‌టికింకా..నా వ‌య‌సు నిండా ప‌ద‌హారే అంటూ వ‌చ్చిన స్పెష‌ల్ సాంగ్ సెన్సేష‌న్ క్రియేట్ చేసిన సంగ‌తి తెలిసిందే. మ‌ణిశ‌ర్మ కంపోజ్ చేసిన ట్యూన్, భాస్క‌ర‌భ‌ట్ల సాహిత్యం, ముమైత్ ఖాన్ భంగిమాలు ఆ పాట‌ను ఓ రేంజ్ కి తీసుకెళ్లి సినిమాకే ఆ పాట హైలెట్ గా నిలిచేలా చేసాయి.  ఇక ప్ర‌జంట్ రామ్ పోతినేని హీరోగా పూరి జ‌గ‌న్నాథ్ `ఇస్మార్ట్ శంక‌ర్` చిత్రాన్ని  డైర‌క్ట్ చేస్తోన్న సంగ‌తి తెలిసిందే. ఈ చిత్రానికి కూడా మ‌ణిశ‌ర్మ సంగీతాన్ని స‌మ‌కూరుస్తున్నాడు. అయితే `పోకిరి` త‌ర‌హాలో ఒక పాట‌ను పెట్టాల‌ని డిసైడ్ అయ్యాడ‌ట పూరి.  మ‌ణిశ‌ర్మ బాణీకి, భాస్క‌ర‌భ‌ట్ల అద్భుత‌మైన లిరిక్స్ రాసార‌ట‌. ఇప్ప‌టికే రికార్డింగ్ పూర్తైన ఈ పాట ఇప్పటికింకా త‌ర‌హాలో ఓ ట్రెండ్ సృష్టించేలా ఉండబోతున్న‌ట్లు తెలుస్తోంది. ఈ పాట‌లో ముమైత్ ఖాన్ లా ఓ కొత్త అమ్మాయిని ప‌రిచ‌యం చేయ‌బోతున్న‌ట్లు తెలుస్తోంది. నిధి అగ‌ర్వాల్, న‌భా న‌టేశ్ హీరోయిన్లుగా న‌టిస్తోన్న ఈ చిత్రం మే నెల‌లో తెర‌పైకి రానుంది.