'పేకమేడలు'.. నింగికి నిచ్చెన వేసిన హీరో!
on Jul 19, 2023
'బాహుబలి' చిత్రంలో సేతుపతిగా నటించి మెప్పించిన యువ నటుడు రాకేష్ వర్రే 'ఎవ్వరికీ చెప్పొద్దు'తో హీరోగా మారి అలరించాడు. తన స్వీయ నిర్మాణంలో క్రేజీ యాంట్స్ ప్రొడక్షన్స్ పతాకం పై హీరోగా చేసిన ఈ చిత్రం 2019 దసరాకి థియేటర్స్ లో సందడి చెయ్యటమే కాకుండా గత నాలుగు సంవత్సరాల్లో నెట్ ఫ్లిక్స్ లో అత్యధికంగా వీక్షించబడిన తెలుగు చిత్రాల్లో ఒకటిగా నిలిచింది.
ఇప్పుడు అదే క్రేజీ యాంట్స్ ప్రొడక్షన్ బ్యానర్ పై రాకేష్ వర్రే కొత్త టాలెంట్ ని ఎంకరేజ్ చేస్తూ 'పేకమేడలు' అనే నూతన చిత్రాన్ని నిర్మించి విడుదలకు సిద్ధం చేస్తున్నాడు. ఈ చిత్రం ద్వారా 'నా పేరు శివ', 'అందగారం' వంటి చిత్రాల్లో నటించిన వినోద్ కిషన్, నూతన నటి అనూష కృష్ణ తెలుగు తెరకి హీరో హీరోయిన్లుగా పరిచయం అవుతున్నారు. వారితో పాటూ ఈ చిత్రానికి 50 మంది నూతన నటీ నటులతో పాటు ఎంతో ప్రతిభావంతులైన టెక్నిషన్స్ పని చేసారు. 'అంగమలి డైరీస్', 'జల్లికట్టు' వంటి చిత్రాలకు సౌండ్ డిజైన్ అందజేసిన ప్రముఖ సౌండ్ డిజైనర్ రంగనాధ్ రేవి, సౌండ్ మిక్సర్ కన్నన్ గన్ పత్ ఈ చిత్రానికి పని చేసారు.
ఈ చిత్రం ద్వార నీలగిరి మామిళ్ళ అనే నూతన దర్శకుడు తెలుగు సినిమా పరిశ్రమకి పరిచయమవుతున్నాడు. 'పేకమేడలు' చిత్రం యొక్క పోస్టర్ మరియు మోషన్ పోస్టర్ ని చిత్రబృందం తాజాగా విడుదల చేసింది. హైదరాబాద్ బస్తి, సిటీని కలగలిపిన 360 డిగ్రీలో ఉన్న ఫోటోకి మధ్యలో ఆకాశానికి నిచ్చెన వేసిన కథానాయకుడు వినోద్ కిషన్ లుంగీ కట్టుకుని, బనియన్ వేసుకుని సగం తొడుక్కున్న చొక్కాతో, కళ్ళజోడు పెట్టుకుని చిరునవ్వుతో కనిపిస్తున్నాడు. బ్యాగ్రౌండ్ లో ఉన్న బస్తి, సిటీ కలగలిపినట్టు కథానాయకుడు ఆహార్యంలో ఫార్మల్ బట్టలు సగం, బనియన్ లుంగీ సగం కట్టుకుని ఉన్నాడు. ఆ పోస్టర్ కి సరిపడా 'పేకమేడలు' టైటిల్ సర్రిగా సరిపోయింది. ఈ చిత్రాన్ని ఈ ఏడాది ఆగస్టులో విడుదల చేయడానికి సన్నాహాలు చేస్తున్నారు.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
