వకీల్ సాబ్ లుక్కులో అంత మీనింగ్ ఉందా?
on Mar 3, 2020
సినిమాను సినిమాగా చూడాలి. రాజకీయాలను రాజకీయాలుగా చూడాలి. ఈ రెండిటినీ ముడి పెట్టకూడదని చాలామంది పెద్దలు చాలా సందర్భాల్లో చెప్పారు. కానీ, సినిమాల్లో ఉన్నత స్థాయికి వచ్చిన చాలామంది రాజకీయాల్లోకి రావడంతో వారికి సంబంధించిన విషయాల్లో రెండిటినీ ముడిపెట్టి చూసే ప్రేక్షకులు లేదా ప్రజలు ఎక్కువ అయ్యారు. పవన్ కళ్యాణ్ విషయంలో అదే జరుగుతోంది. సినిమాలు వదిలి రాజకీయాల్లోకి వెళ్లిన ఆయన... మళ్లీ సినిమాల్లోకి తిరిగొచ్చి ఒకటికి మూడు సినిమాలు ప్రకటించిన సంగతి తెలిసిందే. అందులో తొలి సినిమా, హిందీలో హిట్ అయిన 'పింక్' రీమేక్ టైటిల్, ఫస్ట్ లుక్ సోమవారం విడుదల చేశారు.
పవన్ కళ్యాణ్ కథానాయకుడిగా వేణు శ్రీరామ్ దర్శకత్వంలో బోనీ కపూర్ సమర్పణలో దిల్ రాజు, శిరీష్ నిర్మిస్తున్న పింక్ రీమేక్ కు 'వకీల్ సాబ్' టైటిల్ ఖరారు చేశారు. టైటిల్ తో పాటు పవన్ కళ్యాణ్ ఫస్ట్ లుక్ నూ సోమవారం విడుదల చేశారు. ఈ లుక్ తో పవన్ అభిమానులు హ్యాపీ. ఈ లుక్కులో చాలా మీనింగ్ ఉందని అభిమానులు చెబుతున్నారు. కుర్చీని కాలితో తన్నడన్ని ఫ్యాన్స్ హైలైట్ చేస్తున్నారు. "పదవులు తనకు కాలిగోటితో సమానం" అని ఈ లుక్ ద్వారా పవన్ చెప్పారని సోషల్ మీడియాలో హడావిడి చేస్తున్నారు. ఆ లుక్కులో అంత మీనింగ్ ఉందా అని ఆశ్చర్యపోవడం సగటు ప్రేక్షకుడి వంతవుతుంది. ఒకటి మాత్రం నిజం... ఒక్క లుక్ ద్వారా ఇండస్ట్రీ అంతా మాట్లాడుకునేలా చేయడం పవన్ కళ్యాణ్ కి సాధ్యమైంది. ఇంకొకటి... ఈ లుక్ చూస్తుంటే అసలు ఇది 'పింక్' రీమేక్ ఆ? అనే అనుమానం కలుగుతోంది. హిందీ సినిమాలో అమితాబ్ లుక్ చాలా సహజంగా ఉంటుంది. పవన్ లుక్ మాత్రం స్టైలిష్ గా ఉంది. అభిమానుల కోసం సినిమాలో చాలా మార్పులు చేసినట్లు ఉన్నారు.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
