'ఓజీ' సెట్స్ లో అడుగుపెట్టిన పవర్ స్టార్!
on Apr 18, 2023
పవర్ స్టార్ పవన్ కళ్యాణ్ హీరోగా 'సాహో' ఫేమ్ సుజీత్ దర్శకత్వంలో 'ఓజీ'(ఒరిజినల్ గ్యాంగ్ స్టర్) అనే వర్కింగ్ టైటిల్ తో ఓ సినిమా రూపొందుతోన్న సంగతి తెలిసిందే. ఈ భారీ యాక్షన్ డ్రామాను డీవీవీ ఎంటర్టైన్మెంట్ పతాకంపై ప్రముఖ నిర్మాత డీవీవీ దానయ్య నిర్మిస్తున్నారు. ఈ చిత్రం జనవరి 30న పూజా కార్యక్రమాలతో ఘనంగా ప్రారంభమైంది. ఇక ఇటీవల ఈ మూవీ షూటింగ్ ప్రారంభం కాగా, తాజాగా పవన్ కళ్యాణ్ సెట్స్ లో అడుగుపెట్టారు.
ఏప్రిల్ 15 నుంచి 'ఓజీ' చిత్రీకరణ ముంబైలో ప్రారంభమైంది. తాజాగా ఈ మూవీ సెట్స్ లో పవన్ కళ్యాణ్ అడుగుపెట్టారు. ఈ విషయాన్ని తెలియజేస్తూ తాజాగా మేకర్స్ ఒక ఫోటోను వదిలారు. అందులో బ్లాక్ హూడీ ధరించి, కళ్లద్దాలతో పవన్ చాలా స్టైల్ గా కనిపిస్తున్నారు. ఏప్రిల్ 15 నుంచి మొదలైన ఈ షెడ్యూల్ లో ముంబై మరియు పరిసర ప్రాంతాల్లో నెలాఖరు వరకు చిత్రీకరణ జరగనుంది. పవన్ తో పాటు ఇతర ముఖ్య నటీనటులు పాల్గొంటున్న ఈ షెడ్యూల్ లో యాక్షన్ సన్నివేశాలతో పాటు పలు కీలక సన్నివేశాలను చిత్రీకరించనున్నారు.
భారీస్థాయిలో ప్రతిష్టాత్మకంగా తెరకెక్కుతోన్న ఈ చిత్రానికి ఎస్ థమన్ సంగీతం అందిస్తుండగా.. సినిమాటోగ్రాఫర్ గా రవి కె చంద్రన్, ప్రొడక్షన్ డిజైనర్ గా ఏఎస్ ప్రకాష్ వ్యవహరిస్తున్నారు. పవన్ కళ్యాణ్ బలానికి, స్టార్డమ్ కి సరిగ్గా సరిపోయే కథతో యాక్షన్ డ్రామాగా సుజీత్ దర్శకత్వంలో రూపొందుతోన్న ఈ చిత్రం.. అటు యాక్షన్ ప్రియులను, ఇటు పవన్ కళ్యాణ్ అభిమానులను అలరిస్తుందని మూవీ టీం నమ్మకంగా ఉంది.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
