గత కొన్ని సంవత్సరాలుగా సక్సెస్‌ కోసం స్ట్రగుల్‌ అవుతోన్న నందమూరి కళ్యాణ్‌ రామ్‌, ఈ సంవత్సరం మొదటి నెలలోనే హిట్ కోసం బాక్స్ ఆఫీస్ ముందుకొచ్చాడు. ‘అతనొక్కడే’తో సురేందర్‌ రెడ్డిని ఇంట్రడ్యూస్‌ చేసిన కళ్యాణ్‌ రామ్‌ ఇప్పుడు అనిల్‌ రావిపూడితో మరో దర్శకుడిని టాలీవుడ్ కి పరిచయం చేస్తున్నాడు. ఇక ఈ సినిమా టాక్ విషయానికి వస్తే.. 'పటాస్'లో కళ్యాణ్ రామ్ తనలోని కొత్త నటనను బయటపెట్టాడు. విలన్‌ని ఢీకొట్టే సీన్స్‌లోనే కాకుండా కామెడీతోనూ అభిమానులను బాగా ఆకట్టుకున్నాడు. అలాగే దర్శకుడు అనిల్‌ రావిపూడి తన మామూలు కథని వినోదాత్మకంగా చెప్పడంలో సక్సెస్‌ అయ్యాడు. ఈ సినిమాకి మెయిన్ హైలైట్ కామెడీ అని చెప్పవచ్చు. శ్రీనివాసరెడ్డి తన అద్భుతమైన టైమింగ్‌తో ప్రేక్షకులను బాగా అలరించాడు. వినోదం ఎక్కడా మిస్‌ అవకపోవడం, కథనం వేగంగా పరుగులు తీయడం దీనికి పెద్ద ప్లస్‌ పాయింట్స్‌గా నిలిచాయి. అలాగే నందమూరి అభిమానులకి కావాల్సిన అంశాలని కూడా అనిల్‌ రావిపూడి మర్చిపోకుండా జోడించాడు.