స్టార్ హీరోల్లో ఎలాంటి భేషజాలకు పోకుండా సింప్లిసిటీని ఇష్టపడే వ్యక్తి ఎవరంటే ముందు గుర్తొచ్చే పేరు కింగ్ నాగార్జున. సినిమా అంటే నాగార్జునకు ప్యాషన్. అందుకే ప్రయోగాత్మక పాత్రలకు కూడా వెనక్కి తగ్గరు. త్వరలో రాబోతున్న ఆయన ఊపిరి సినిమా కూడా నాగ్ కు ప్రయోగమే. నాగార్జున లాంటి ఒక స్టార్ సినిమా అంతా కూర్చీకే అతుక్కుపోయి ఉండే పాత్ర చేయడమంటే మాటలు కాదు. అలాంటి పాత్రలో తనను తాను ఊహించుకోవడానికి గట్స్ కావాలి. అవి నాగ్ కు పుష్కలంగా ఉన్నాయి. ఇంతకూ ఎన్టీఆర్ బెస్ట్ అని ఎందుకన్నాడు అని అడుగుతున్నారా..? అక్కడికే వస్తున్నాం.
ఊపిరి సినిమాను మొదట ఎన్టీఆర్ తో కలిసి చేద్దామని నాగ్ ప్లాన్ చేశాడట. కానీ ఆయనతో డేట్స్ అడ్జెస్ట్ మెంట్స్ కుదరకపోవడంతో, ఆ ఛాన్స్ కార్తీకి వెళ్లిపోయింది. ఇదే విషయాన్ని ప్రస్తావిస్తూ, ముప్ఫై ఏళ్ల లోపు స్టార్ డం తెచ్చుకోవడం అసాధ్యమని, అది కేవలం ఎన్టీఆర్ కే సాధ్యమైందని వ్యాఖ్యానించారు నాగార్జున. ఆఖరికి పవన్, మహేష్ లు కూడా ముప్ఫై ఏళ్లు దాటిన తర్వాతే స్టార్స్ అయ్యారని ఆయన అన్నారు. అదండీ విషయం. ఇక ఊపిరి సంగతి కొస్తే, ఈ నెల 25న ఊపిరి థియేటర్లకు ఊపిరిలూదబోతోంది. వంశీ పైడిపల్లి డైరెక్షన్లో నాగ్, కార్తీ, తమన్నాలు నటించిన ఊపిరి ఫ్రెంచ్ మూవీ ది ఇంటచిబుల్స్ కు రీమేక్
