ఎన్టీఆర్ త‌న కెరీర్‌లో తొలిసారి రూ.50 కోట్ల మైలు రాయికి చేరుకోవ‌డం ఖాయ‌మ‌ని ఎన్టీఆర్ అభిమానులు సంబ‌ర‌ప‌డిపోతున్నారు. తొలి మూడు రోజుల‌కూ రూ.18 కోట్ల‌కు పైనే వ‌సూలు చేసింది టెంప‌ర్‌. ఈ జోరు మ‌రో వారం కొన‌సాగే అవ‌కాశం ఉంది. కాబ‌ట్టి ర‌మార‌మీగా ఈ సినిమా రూ.40 కోట్ల వ‌ర‌కూ వ‌సూలు చేయొచ్చు. త‌దుప‌రి సినిమాలేం బాగోక‌పోతే, ఎన్టీఆర్ మానియా రోజు రోజుకీ పెరిగితే త‌ప్ప రూ.50 కోట్లు కొల్ల‌గొట్ట‌డం సాధ్యం కాదు. ప్ర‌స్తుతం ఉన్న ప‌రిస్థితిలో ఎన్టీఆర్ సినిమా రూ.40 కోట్లు చేసినా.. హిట్టుకిందే లెక్క‌. అయితే టెంప‌ర్ బ‌డ్జెట్ ఎంత‌? ఈ సినిమాకి ఎంత ఖ‌ర్చ‌య్యింది? అనే ఆస‌క్తిక‌ర‌మైన చ‌ర్చ సాగుతోంది టాలీవుడ్‌లో. ఇది వ‌ర‌కు ఎన్టీఆర్ సినిమాలు చూసినా, పూరి సినిమాలు చూసినా అందులో భారీద‌నం కొట్టొచ్చిన‌ట్టు క‌నిపించేవి. భారీ ఛేజ్లూ, సెట్లూ చూసేవాళ్లం. టెంప‌ర్‌లో మాత్రం.. అవేం క‌నిపించ‌లేదు. వీలైనంత త‌క్కువ బడ్జెట్‌లో ఈ సినిమాని పూర్త‌చేయాల‌ని భావించింది చిత్ర‌బృందం. అయినా స‌రే.. ఈ సినిమాకి దాదాపుగా రూ.40 కోట్లు ఖ‌ర్చ‌యింది అంటున్నాడు బండ్ల గ‌ణేష్‌. వ‌డ్డీలతో క‌లుపుకొని దాదాపుగా రూ.43 కోట్ల వ‌ర‌కూ అయ్యింద‌ట‌. అంటే టెంప‌ర్ టార్గెట్ రూ.43 కోట్లు. ఈ మార్క్‌ని చేరుకొంటే సినిమా లాభాల్లో ప‌డిన‌ట్టే. ఎందుకంటే.. శాటిలైట్ రూపంలో ఇప్ప‌టికే రూ.7.5 కోట్లు అందాయి. సో.. టెంప‌ర్ రూ.40 కోట్ల మార్క్ చేరినా గ‌ణేష్ హ్యాపీనే.