యష్ గీతు మోహన్దాస్ కాంబినేషన్లో రూపొందుతున్న 'టాక్సిక్: ఎ ఫెయిరీ టేల్ ఫర్ గ్రోన్-అప్స్'. ఈ భారీ యాక్షన్ ఎంటర్టైనర్ 2026 ఆగస్టు 26న ప్రపంచవ్యాప్తంగా థియేటర్లలో గ్రాండ్గా విడుదల కాబోతోంది. సినిమా విడుదల తేదీ దగ్గర పడుతుండటంతో చిత్ర బృందం ప్రమోషన్ల వేగాన్ని పెంచింది. ఇప్పటికే ఈ సినిమా నుంచి విడుదలైన క్యారెక్టర్ పోస్టర్లు, టీజర్ మరియు మొదటి పాట 'తబాహీ' సోషల్ మీడియాలో విపరీతమైన ట్రెండింగ్ సృష్టించగా, యష్ మరియు కియారా అద్వానీ మధ్య ఉన్న రొమాంటిక్ సీన్స్ సినీ ప్రియులను ఎంతగానో ఆకట్టుకున్నాయి. తాజాగా ఈ మూవీ నుంచి రెండో సింగిల్ 'మనసాగదే' అనే మధురమైన రొమాంటిక్ మెలోడీ పాటను మేకర్స్ విడుదల చేశారు. అయితే ఈ పాట విడుదలైన కొద్ది నిమిషాల్లోనే యూట్యూబ్తో పాటు అన్ని సోషల్ మీడియా ప్లాట్ఫామ్లలో విపరీతమైన వైరల్గా మారిపోవడం విశేషం.
ఈ 'మనసాగదే' పాటలో కథానాయకుడు యష్ (రాయా పాత్రలో) మరియు గ్లామరస్ బ్యూటీ తారా సుతారియా (రెబెకా పాత్రలో) మధ్య సాగే సున్నితమైన బంధం, మెస్మరైజింగ్ కెమిస్ట్రీ మరియు గాఢమైన ఎమోషన్స్ను దర్శకురాలు చాలా అద్భుతంగా ఆవిష్కరించారు. ఈ మెలోడీకి తనిష్క్ బాగ్చి, అర్స్లాన్ నిజామీ, ఫహీమ్ అబ్దుల్లా కలసి ఎంతో ఆహ్లాదకరమైన స్వరాలను సమకూర్చగా, ప్రముఖ గీత రచయిత రామజోగయ్య శాస్త్రి ఆకట్టుకునే తెలుగు సాహిత్యాన్ని అందించారు. గాయకుడు సిద్ధార్థ్ బస్రూర్ తన అద్భుతమైన గొంతుతో ఈ పాటను ఆలపించి శ్రోతలను మంత్రముగ్ధులను చేశారు. అయితే, ఈ పాటలో యష్, తారా సుతారియా మధ్య ఉన్న రొమాన్స్ కంటే కూడా ప్రేక్షకులు మరియు నెటిజన్లను అత్యంత తీవ్రంగా షాక్కు గురిచేసింది మాత్రం లేడీ సూపర్ స్టార్ నయనతార కనిపించిన ఒకే ఒక్క బోల్డ్ షాట్!
ఈ పాట మధ్యలో నయనతార సిగరెట్ తాగుతూ అత్యంత బోల్డ్ అవతారంలో కనిపించడంతో ఒక్కసారిగా అందరూ అవాక్కయ్యారు. సాధారణంగా నయనతార ఏదో ఒక విభిన్నమైన యాక్షన్ లేదా పవర్ఫుల్ రోల్ చేస్తోందని అందరూ భావించారు, కానీ ఏకంగా తెరపై స్మోకింగ్ చేస్తూ కనిపిస్తుందని ఎవరూ ఊహించలేదు. ఇటివల కాలంలో గ్లామర్ పాత్రలకు దూరంగా ఉంటూ, కేవలం నటనకు ప్రాధాన్యమున్న హోమ్లీ క్యారెక్టర్లు మరియు మహిళా ప్రాధాన్య చిత్రాలు మాత్రమే ఎంచుకుంటున్న నయన్, సడన్గా ఇలాంటి స్టైలిష్ అండ్ బోల్డ్ అవతారంలోకి మారడం ఇప్పుడు ఫిలిం నగర్ వ్యాప్తంగా హాట్ టాపిక్గా మారింది. గతం పరిశీలిస్తే, తన కెరీర్ ప్రారంభంలో అజిత్ సరసన నటించిన 'బిల్లా' సినిమాలో నయనతార బికినీ వేయడంతో పాటు స్మోకింగ్ సీన్లో కనిపించి సంచలనం సృష్టించారు. కానీ ఆ తర్వాత కాలంలో పెళ్లై ఇద్దరు పిల్లల తల్లి అయిన తర్వాత ఆమె పూర్తిస్థాయి పద్ధతైన పాత్రలకే ప్రాధాన్యమిస్తూ వచ్చారు.
ఇప్పుడు మళ్లీ ఇన్ని సంవత్సరాల తర్వాత నయనతార 'టాక్సిక్' చిత్రంలో సిగరెట్ తాగుతూ కనిపించడంతో నెటిజన్ల మధ్య పెద్ద ఎత్తున చర్చ మొదలైంది. నయన్ తన రూట్ మార్చారా, లేక దర్శకురాలు గీతు మోహన్దాస్ కథ మరియు పాత్ర డిమాండ్ మేరకు ఆమెను ఒప్పించారా అని అభిమానులు విశ్లేషిస్తున్నారు. నయనతార లాంటి స్టార్ హీరోయిన్, ఎంతోమందికి ఆదర్శంగా నిలిచే వ్యక్తి ఇలా స్మోకింగ్ సీన్స్ చేయడం ఏంటని కొందరు సోషల్ మీడియాలో ప్రశ్నిస్తుంటే, మరికొందరైతే కేవలం పాటలో వచ్చే ఒక చిన్న షాట్ చూసి పాత్రను జడ్జ్ చేయడం సరికాదని, సినిమా విడుదలయ్యాక పాత్రలోని అంతరార్థం ఏమిటో తెలుస్తుందని సపోర్ట్ చేస్తున్నారు. కియారా అద్వానీ, తారా సుతారియా, రుక్మిణి వసంత్, హుమా ఖురేషి వంటి భారీ తారాగణం ఉన్న ఈ 'టాక్సిక్' చిత్రంలో నయనతార పాత్ర ఏ స్థాయిలో నెక్స్ట్ లెవల్లో ఉండబోతోందో తెలియాలంటే మాత్రం 2026 ఆగస్టు 26 వరకు వేచి చూడాల్సిందే!
Yash, Nayanthara, Toxic movie, Geethu Mohandas
