సూపర్‌స్టార్ మహేశ్‌బాబు‌కు ఫ్యాన్ ఫాలోయింగ్ ఎలా ఉంటుందో చెప్పక్కర్లేదు..మరీ ముఖ్యంగా అమ్మాయిలైతే పడిచచ్చిపోతారు. కేవలం తెలుగు రాష్ట్రాల్లోనే కాదు..దేశంలోని చాలా ప్రాంతాల్లో మహేశ్‌కు అభిమానులున్నారు. తాజాగా మురగదాస్ దర్శకత్వంలో మహేశ్ నటిస్తున్న సినిమా షూటింగ్ అహ్మదాదాబాద్‌లో జరుగుతోంది. ఈ సినిమాకు సంబంధించిన కొన్ని యాక్షన్ సన్నివేశాలను ఇక్కడ చిత్రీకరిస్తున్నారు. అయితే షూటింగ్‌లో పాల్గొనేందుకు తన బస్సులో నుండి దిగి కారు ఎక్కుతున్న సమయంలో అక్కడే ఉన్న ఒక యువతి మహేశ్‌ను చూడాలని సెక్యూరిటీని సైతం తప్పించుకుని ప్రిన్స్‌ను కలుసుకుంది. ఆ వెంటనే ఇతర అభిమానులు కూడా సూపర్‌స్టార్ కారును చుట్టుముట్టేశారు. ఈ సంఘటనతో మహేశ్‌తో పాటు చిత్రయూనిట్ కూడా అవాక్కయ్యింది.