సూపర్ స్టార్ మహేష్ బాబు, నమ్రతా శిరోద్కర్ ల ముద్దుల కూతురు సితార ఘట్టమనేని సోషల్ మీడియాలో ఎంత యాక్టివ్‌గా ఉంటుందో ప్రత్యేకంగా చెప్పక్కర్లేదు. స్టార్ కిడ్ అయినప్పటికీ తనకంటూ ఒక ప్రత్యేకమైన గుర్తింపును తెచ్చుకున్న సితార, నేడు తన 14వ పుట్టినరోజును జరుపుకుంటోంది. ఈ స్పెషల్ అకేషన్ ను పురస్కరించుకుని తండ్రి మహేష్ బాబు సోషల్ మీడియా వేదికగా ఒక ఎమోషనల్ పోస్ట్‌ను పంచుకున్నారు. కూతురిపై ఉన్న అమితమైన ప్రేమను వ్యక్తపరుస్తూ ఆయన పెట్టిన పోస్ట్ ప్రస్తుతం నెట్టింట ట్రెండ్ అవుతోంది. తండ్రీకూతుళ్ల మధ్య ఉండే ప్యూర్ బాండింగ్‌ను ప్రతిబింబించేలా ఉన్న ఈ పిక్ ఫ్యాన్స్ హృదయాలను ఎంతగానో హత్తుకుంటోంది.

సితార పుట్టినరోజు వేడుకలకు సంబంధించిన ఒక బ్యూటిఫుల్ ఫోటోను షేర్ చేస్తూ మహేష్ బాబు తన మనసులోని ఆనందాన్ని అక్షరాల్లో పెట్టారు. "నువ్వు ఎంత పెద్దదానివైనా, ఎప్పటికీ నా లిటిల్ స్టార్‌వే.. హ్యాపీ 14 సితార. రాబోయే ఏడాది నీకు అత్యంత అద్భుతంగా సాగాలని కోరుకుంటున్నాను.. లవ్ యూ ఆల్వేస్" అంటూ హార్ట్ ఎమోజీలతో తన ఎమోషన్‌ను జోడించారు. ఈ పోస్ట్‌లో మహేష్ బాబు తన కూతురు సితారను ఎంతో అపురూపంగా ముద్దాడుతూ కనిపించారు. సితార ఎంతో హ్యాపీగా నవ్వుతూ తండ్రి ప్రేమను ఆస్వాదిస్తున్న విజువల్స్ నెటిజన్లను విపరీతంగా ఆకట్టుకుంటున్నాయి.

సూపర్ స్టార్ మహేష్ బాబు షూటింగ్స్‌తో ఎంత బిజీగా ఉన్నప్పటికీ తన కుటుంబానికి, ముఖ్యంగా పిల్లల సంతోషానికి ఎంత ప్రాధాన్యత ఇస్తారో ఈ పోస్ట్ మరోసారి నిరూపించింది. సితార పుట్టినరోజు సందర్భంగా టాలీవుడ్ ప్రముఖులు, మహేష్ బాబు అభిమానులు, నెటిజన్లు సోషల్ మీడియా వేదికగా బర్త్‌డే విషెస్ అండ్ బ్లెస్సింగ్స్ కురిపిస్తున్నారు.

 

 

Mahesh Babu, Daughter, Sitara Ghattamaneni, Birthday