తెలుగు సినీ పరిశ్రమలో ‘సూపర్‌ స్టార్‌’ ఇమేజ్ ని సొంతంచేసుకున్న మహేష్‌ బాబుని హైద్రాబాద్‌కి బ్రాండ్‌ అంబాసిడర్‌గా నియమించే ఆలోచనలో తెలంగాణ సర్కార్‌ వున్నట్లు తెలుస్తోంది. ఆంధ్రప్రదేశ్‌కే చెందిన మహేష్‌ బాబును హైద్రాబాద్‌ బ్రాండ్‌ అంబాసిడర్‌గా చేయడం వల్ల పలు ఉపయోగాలు వుంటాయని కేసిఆర్ భావిస్తున్నారట. ముఖ్యంగా హైద్రాబాద్‌ లోని ‘సెటిలర్స్‌’ ఓటు బ్యాంకు దీనికి ముఖ్యకారణంగా చెబుతున్నారు. మహేష్‌బాబును హైదరాబాద్‌ బ్రాండ్‌ అంబాసిడర్‌గా ఎంపిక చేస్తే తెలంగాణలోనే కాకుండా ఆంధ్రప్రదేశ్‌తోపాటు ప్రపంచవ్యాప్తంగా పలువుర్ని ఆకర్షించటం ఖాయమన్న అభిప్రాయాలు వ్యక్తమవుతున్నాయి.