టాలీవుడ్ లో తనకంటూ ఒక ప్రత్యేకమైన గుర్తింపును సంపాదించుకున్న యంగ్ అండ్ టాలెంటెడ్ హీరో కిరణ్ అబ్బవరం (Kiran Abbavaram) ఇప్పుడు ఒక సరికొత్త అవతారంలో ప్రేక్షకులను అలరించేందుకు సిద్ధమవుతున్నారు.. ఇప్పటివరకు నటుడిగా, రచయితగా, అలాగే నిర్మాతగా వైవిధ్యమైన ప్రయత్నాలు చేసి మెప్పించిన కిరణ్, ఇప్పుడు ఏకంగా మెగాఫోన్ పట్టబోతున్నారు. ఆయన కథానాయకుడిగా నటిస్తున్న 13వ సినిమా (KA13) ద్వారా దర్శకుడిగా పరిచయమవుతున్నారు. ఈ చిత్రానికి ఆయనే స్వయంగా కథ, స్క్రీన్ప్లే అందిస్తూ సరికొత్త బాధ్యతలను తన భుజాలపై వేసుకున్నారు.
ఈ సరికొత్త సినిమాకు సంబంధించిన అధికారిక లాంచ్ కార్యక్రమం హైదరాబాద్లో ఘనంగా జరిగింది. ప్రత్యేక పూజా కార్యక్రమాలతో చిత్రయూనిట్ ఈ ప్రాజెక్ట్ను ప్రారంభించింది. కేవలం ముహూర్తం షాట్తోనే సరిపెట్టకుండా, ఏమాత్రం ఆలస్యం చేయకుండా సినిమా రెగ్యులర్ షూటింగ్ను కూడా వెంటనే ప్రారంభించేయడం విశేషం.
ఈ చిత్రానికి మరో ప్రత్యేకత కూడా ఉంది. టాలీవుడ్లో పాపులర్ ఓవర్సీస్ డిస్ట్రిబ్యూటర్గా మంచి పేరు తెచ్చుకున్న సుధాకర్ చాగంటి ఈ సినిమా ద్వారా చిత్ర నిర్మాణ రంగంలోకి అడుగుపెడుతున్నారు. 'జాయ్ ఫిల్మ్స్' బ్యానర్పై ఈ సినిమాను నిర్మిస్తున్నారు. కిరణ్ అబ్బవరం గత చిత్రాలన్నింటికంటే ఇది ఎంతో విలాసవంతంగా, భారీ బడ్జెట్తో తెరకెక్కుతోంది. కిరణ్ కెరీర్లోనే హయ్యెస్ట్ బడ్జెట్ వెంచర్గా ఈ సినిమా రూపొందుతుండటం గమనార్హం.
ఈ సినిమా కథాంశం విషయానికి వస్తే, ఇది పూర్తిస్థాయి యూత్ఫుల్ అండ్ కమర్షియల్ ఫ్యామిలీ ఎంటర్టైనర్గా రూపొందుతోంది. ఒక వైవిధ్యమైన పాయింట్తో ప్రేక్షకుల ముందుకు రాబోతున్నట్లు సమాచారం. ఈ చిత్రంలో కిరణ్ అబ్బవరం సరసన కథానాయికగా దేవిక భట్ నటిస్తోంది. యువతను, కుటుంబ ప్రేక్షకులను ఆకట్టుకునే అంశాలు ఈ స్క్రిప్ట్లో పుష్కలంగా ఉన్నాయని ఇండస్ట్రీ టాక్.
ఇక ఈ సినిమాకు క్రేజీ మ్యూజిక్ డైరెక్టర్ భీమ్స్ సిసిరోలియో సంగీతాన్ని అందిస్తున్నారు. ఆయన అందిస్తున్న ట్యూన్స్ సినిమాకు ప్రధాన ఆకర్షణగా నిలవనున్నాయి. ఈ చిత్రానికి సంబంధించిన మిగిలిన నటీనటులు, సాంకేతిక నిపుణుల వివరాలను మేకర్స్ త్వరలోనే అధికారికంగా వెల్లడించనున్నారు.
