ఆగస్ట్ 12 నుండి యంగ్ టైగర్ యన్ టి ఆర్ హీరోగా కొత్త మూవీ ప్రారంభం కానుందని సమాచారం. వివరాల్లోకి వెళితే పరమేశ్వర ఆర్ట్స్ పతాకంపై, ఎ-1 స్టార్ యన్ టి ఆర్ హీరోగా, శ్రీను వైట్ల దర్శకత్వంలో గణేష్ ఒక చిత్రాన్ని నిర్మిస్తున్నారని సమాచారం. ఈ చిత్రాన్ని రానున్న ఆగస్ట్ నెలలో పన్నెండవ తేదీన ప్రారంభిస్తారని తెలిసింది. ప్రస్తుతం యన్ టి ఆర్ సురేంద్ర రెడ్డి దర్శకత్వంలో, తమన్నా హీరోయిన్ గా నటిస్తున్న చిత్రంలోనూ, బోయపాటి శీను దర్శకత్వంలో, శృతి హాసన్ హీరోయిన్ గా నటిస్తున్న చిత్రంలోనూ సైమల్‍ టేనియస్ గా నటిస్తున్నారు.

ఈ రెండు చిత్రాలూ ఆగస్టుకి దాదాపు ముగింపు దశకు చేరుకుంటాయి. అప్పటికి అంటే ఆగస్ట్ 12 నుండి యన్ టి ఆర్ కొత్త మూవీ ప్రారంభిస్తారని ఫిలిం నగర్ వర్గాలంటున్నాయి. శ్రీను వైట్ల సినిమాల్లో కామేడీకి పెద్ద పీట వేస్తాడు. యన్ టి ఆర్ కామెడీ చేయటంలో ఘనుడు. అందుకు ఉదాహరణగా ప్రస్తుతం "అదుర్స్" చిత్రంలో ఆచారి పాత్రను చెప్పుకోవచ్చు. మరి వీళ్ళిద్దరి కాంబినేషన్ లో వచ్చే ఈ చిత్రంలో ప్రేక్షకులకు ఎంటర్ టైన్ మెంట్ కి కొదువ ఉండదని ఘంటాపధంగా చెప్పవచ్చు.