‘మిరాయ్’ కథలో పెద్ద ట్విస్ట్ ఇచ్చే ఆ పక్షి వెనుక పెద్ద కథే ఉంది!
on Sep 12, 2025
అందరూ ఎంతో ఆసక్తిగా ఎదురుచూస్తున్న ‘మిరాయ్’ థియేటర్లలోకి వచ్చేసింది. ప్రేక్షకులు ఈ సినిమా కోసం ఈగర్గా వెయిట్ చేస్తున్నారన్న విషయం కలెక్షన్లు చూస్తే తెలుస్తుంది. అన్ని ఏరియాల్లోనూ సాలిడ్ కలెక్షన్స్తో వెళుతోంది. ‘హనుమాన్’ వంటి భారీ విజయం తర్వాత తేజ సజ్జ హీరోగా వచ్చిన ఈ సినిమా అందర్నీ ఆకట్టుకుంటోందని రిపోర్ట్స్ వస్తున్నాయి. ముఖ్యంగా పిల్లలకు ఇది ఓ పండగలాంటి సినిమా అని చెప్పొచ్చు. విజువల్ వండర్గా రూపొందిన ఈ సినిమాలో ఎన్నో విశేషాలు, మరెన్నో సర్ప్రైజులు ఉన్నాయని చూసిన ప్రేక్షకులు కథలు కథలుగా చెప్తున్నారు. ప్రత్యేకంగా సినిమాలో కనిపించే పెద్ద పక్షి వెనుక ఒక పెద్ద కథే ఉందనేది ఇప్పుడు ఆసక్తికరంగా మారింది.
సినిమాలో కనిపించిన ఓ పెద్ద పక్షి.. హీరోకి సాయం చేస్తుంది. పురాణాల్లో రాముడికి సాయం చేసిన జటాయువు పక్షి గురించి అందరికీ తెలుసు. ఆ జటాయువుకు సంపాతి అనే సోదరుడు ఉన్నాడు. వీరిద్దరూ సూర్యపుత్రులు. ఒకసారి జటాయువును కాపాడే క్రమంలో సంపాతి రెక్కలు కాలిపోతాయి. దీంతో సంపాతి ఎగరలేకపోతుంది. అయినా పరోక్షంగా లంకలో ఉన్న సీతమ్మవారి జాడ తెలుసుకునేందుకు రాముడికి సాయం చేసింది. ‘మిరాయ్’ చిత్రంలో ఆ సంపాతి పక్షిరాజు హీరోకి తన లక్ష్యాన్ని సాధించడంతో ప్రధాన పాత్ర పోషిస్తుంది. కథ నడుస్తున్న క్రమంలో అందర్నీ సర్ప్రైజ్ చేసే ఒక ఇంట్రెస్టింగ్ ట్విస్ట్ ఈ పక్షి ద్వారానే జరుగుతుంది. ఈ పక్షిని రూపొందించేందుకు విఎఫ్ఎక్స్ టీమ్ ఎంతో కష్టపడిరదట. అలాగే నిర్మాతలు కూడా ఈ కీలకమైన పక్షి కోసం ఎంతో ఖర్చు పెట్టారని తెలుస్తోంది. ప్రస్తుతం ఈ పక్షికి సంబంధించి సినిమా చూసిన వారు రకరకాలుగా చర్చించుకుంటున్నారు. ఇలాంటి ఎన్నో అద్భుతాలు సినిమాలు ఉన్నాయనేది వారు చెబుతున్న మాట.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
