ఫలక్‌నుమా దాస్‌ చిత్రంతో హీరోగా, దర్శకుడిగా మంచి పేరు తెచ్చుకున్న విశ్వక్‌సేన్‌ ఆ తర్వాత హిట్‌, పాగల్‌, అశోకవనంలో అర్జునకళ్యాణం వంటి సినిమాలతో హీరోగానూ ఎదిగి యూత్‌లో మంచి క్రేజ్‌ని సంపాదించుకన్నారు. ఇప్పుడు బుల్లితెర వైపు అడుగులు వేస్తున్నారు విశ్వక్‌. ప్రముఖ ఓటీటీ సంస్థ ఆహా ఒక కొత్త రియాలిటీ షో ‘ఫ్యామిలీ ధమాకా’ పేరుతో చేయబోతోంది. ఈ షోకి హోస్ట్‌గా విశ్వక్‌సేన్‌ వ్యవహరించబోతున్నాడు. ఇప్పటికే ఆహా సంస్థ అన్‌స్టాపబుల్‌, సామ్‌జామ్‌, నెంబర్‌ 1 యారీ విత్‌ రానా వంటి రియాలిటీ షో లతో మంచి పేరునే సంపాదించుకుంది. ఇప్పుడు విశ్వక్‌సేన్‌తో చేస్తున్న ‘ఫ్యామిలీ ధమాకా’కి ఎలాంటి క్రేజ్‌ వస్తుందో చూడాలి.