పవన్ కి ఇంకా 8 కోట్లు కావాలి
on Jan 20, 2015
వెంకటేష్, పవన్కళ్యాణ్లాంటి స్టార్స్ నటించిన 'గోపాల గోపాల' సినిమాకి టాక్ గొప్పగా లేకపోయినప్పటికి మేకర్స్కి స్టార్ బలమే కవచంగా మారింది. తొమ్మిది రోజుల్లో ఈ చిత్రం ప్రపంచ వ్యాప్తంగా ముప్పయ్ ఎనిమిది కోట్ల రూపాయల షేర్ రాబట్టింది. అయితే ఈ కలెక్షన్లతో బయ్యర్లు ఆనందపడడం లేదు. ఎందుకంటే ఈ చిత్రం సేఫ్ అనిపించుకోవడానికి ఇంకా చాలా దూరం ప్రయాణించాల్సి ఉంది. ఈ చిత్రానికి మరో ఎనిమిది కోట్లు వస్తే కానీ హిట్ స్టేటస్ దక్కదు. సెలవులు అయిపోయాయి కాబట్టి ఇక్కడ్నుంచి ఎనిమిది కోట్ల షేర్ రావడం అంత తేలికేం కాదు. సెలవుల తర్వాత సోమవారం నాడు కలెక్షన్లు బాగా పడిపోతాయని అనుకుంటే తెలుగు రాష్ట్రాల్లో కోటి రూపాయలకి పైగా షేర్ సాధించి, ఇంకా స్టడీగా నడుస్తోందని స్పష్టం చేసింది. ఈవెనింగ్ షోలు, వీకెండ్లు ఎంత బాగుంటాయో అనే దానిని బట్టి ఈ చిత్రం ఫుల్ రన్ కలెక్షన్స్, ఫైనల్ రేంజ్ డిపెండ్ అవుతుంది.