Home

»

Latest News

'ఫంకీ' టీజర్.. మరో 'జాతిరత్నాలు' అవుతుందా?

Oct 10, 2025 6:19PM

 

హీరో విశ్వక్ సేన్, డైరెక్టర్ కె.వి. అనుదీప్ కాంబినేషన్ లో రూపొందుతోన్న చిత్రం 'ఫంకీ'. సితార ఎంటర్‌టైన్‌మెంట్స్ నిర్మిస్తున్న ఈ సినిమాపై ప్రేక్షకుల్లో మంచి అంచనాలే ఉన్నాయి. తాజాగా 'ఫంకీ' చిత్రం నుండి టీజర్ విడుదలైంది. (Funky Teaser)

 

రెండు నిమిషాల లోపు నిడివితో రూపొందిన 'ఫంకీ' టీజర్ లో అనుదీప్ మార్క్ కామెడీ డైలాగ్స్ అడుగడుగునా ఉన్నాయి. ఈ చిత్రంలో విశ్వక్ సేన్ దర్శకుడి పాత్రను పోషిస్తుండటం విశేషం. "నేను ఇంతపెద్ద డైరెక్టర్ అవ్వడానికి కారణం ఈ స్కూల్లో చదువుకోవడమే. ఈ స్కూల్లో చదువుకున్నాను కాబట్టే, నాకు చదువు అంటే విరక్తి పుట్టింది. అందుకే నేను సినిమాల్లోకి వెళ్ళా." అంటూ స్కూల్ ఈవెంట్ లో విశ్వక్ చెప్పడం నవ్వులు పూయించింది. అనుదీప్ మార్క్ ఫన్నీ డైలాగ్స్ తో విశ్వక్ కొత్తగా కనిపిస్తున్నాడు. హీరోయిన్ కయాదు లోహర్‌ కూడా ఆకట్టుకుంది. టీజర్ లో భీమ్స్ సిసిరోలియో నేపథ్య సంగీతం ప్రత్యేక ఆకర్షణగా నిలిచింది. మొత్తానికి 'ఫంకీ' టీజర్ అనుదీప్ శైలి వినోదభరిత చిత్రానికి హామీ ఇచ్చింది.

 

అనుదీప్ దర్శకత్వం వహించిన 'జాతిరత్నాలు' ఏ స్థాయిలో నవ్వులను పంచిందో తెలిసిందే. ఆ తర్వాత అనుదీప్ నుంచి వచ్చిన 'ప్రిన్స్' బాక్సాఫీస్ దగ్గర మ్యాజిక్ చేయలేకపోయింది. ఇప్పుడు 'ఫంకీ'తో ఆ లోటుని తీర్చి, 'జాతిరత్నాలు' బాటలో మరో విజయాన్ని సొంతం చేసుకుంటాడేమో చూడాలి.

 

 

google-ad-img

Customer Service

For support : teluguone.teluguone@gmail.com | For Queries : support@teluguone.com