Home

»

Latest News

ఈగలో కాజల్ ఐటమ్ సాంగ్ లేదు

Jun 28, 2011 8:01PM

"ఈగ" లో కాజల్ ఐటమ్ సాంగ్ లేదు అని ఆ చిత్ర దర్శకుడు యస్.యస్.రాజమౌళి తెలిపారు. వివరాల్లోకి వెళితే నాని హీరోగా, సమంత హీరోయిన్ గా, కన్నడ నటుడు సుదీప్ విలన్ గా, యస్.యస్.రాజమౌళి దర్శకత్వంలో, సురేష్ బాబు సమర్పణలో, కొర్రపాటి సాయి నిర్మిస్తున్న చిత్రం"ఈగ". ఈ "ఈగ" చిత్రం కోసం భారీ గ్రాఫిక్స్ వర్క్ చేస్తున్నారు. కేవలం విజువల్ ఎఫెక్ట్స్ కోసమే అయిదు కోట్లు ఖర్చుపెడుతున్నారని వినికిడి. సెంథిల్ కుమార్‍ సినిమాటోగ్రఫీని నిర్వహిస్తూండగా, యమ్ యమ్ కీరవాణి సంగీతాన్ని అందిస్తున్నారు.

"ఈగ" సినిమాలో కాజల్ అగర్వాల్ ఒక ఐటమ్ సాంగ్ లో నటిస్తూందని ఒక రూమర్ ఫిలిం నగర్ లో ఈ మధ్య బాగా ప్రచారంలోకి వచ్చింది. అది తెలుసుకున్న "ఈగ" చిత్ర దర్శకుడు రాజమౌళి " అది నిరాధారమైన వార్త. ఈగ సినిమాలో కాజల్ ఐటమ్ సాంగ్ లో నటిస్తున్నదనేది ఒక రూమర్ మాత్రమే కాని నిజం కాదు" అని మీడియాకు తెలియజేశారు. దీన్ని బట్టి నిజం కన్నా గాసిప్ కి బలం ఎక్కువని తెలుస్తూంది కదా....!

google-ad-img

Customer Service

For support : teluguone.teluguone@gmail.com | For Queries : support@teluguone.com