చిరంజీవితో ఎలాగైనా స‌రే సినిమా తీయాల‌న్న ప‌ట్టుద‌ల‌తో ఉన్నాడు పూరి జ‌గ‌న్నాథ్‌. 150వ సినిమాలో అవకాశం వ‌చ్చిన‌ట్టే వ‌చ్చి చేజారిపోయింది. ఆటోజాని టైటిల్‌, క‌థ చిరుకి బాగా న‌చ్చినా.. సెకండాఫ్ స‌రిగా కుద‌ర‌క‌పోవ‌డంతో ఆ సినిమాని ప‌క్క‌న పెట్టేశాడు. అయితే ఎప్ప‌టికైనా సెకండాఫ్ చిరుకి న‌చ్చిన‌ట్టు తీర్చిదిద్దుతా అంటున్నాడు పూరి. అంతేకాదు.. ఈ ప్రాజెక్టు క్యాన్సిల్ అవ్వ‌లేద‌ని ఎప్ప‌టికైనా చిరుతో క‌ల‌సి ఓ సినిమా తీస్తాన‌ని.. అది ఆటోజానీనే అయ్యే అవ‌కాశాలున్నాయ‌ని అంటున్నాడ‌ట. చిరు కూడా ఆటోజానీపై ప్రేమ పెంచుకొన్న‌ట్టు తెలుస్తోంది. ఆ క‌థ త‌న బాడీ లాంగ్వేజ్‌కి స‌రిగ్గా సూట‌వుతుంద‌ని భావిస్తున్నాడ‌ట. అన్నీ కుదిరితే 151వ సినిమా అదే అవుతుంద‌ని టాక్‌. ఒకవేళ పూరి గనుక డైరెక్టర్ గా కన్ఫర్మ్ అయితే కొత్తగా నిర్మాతను వెతుక్కోవాల్సిన పని లేదు. ఎందుకంటే ఆ మధ్య ఓ ఫంక్షన్ లో అల్లు అరవింద్ స్వయంగా చిరు 151 వ సినిమా ప్రొడ్యూస్ చేసేది నేనే అని ఓ స్టేట్మెంట్ ఇచ్చాడు. ఈ కాంబినేషన్ కనుక సెట్ అయితే చిరు మరో సెన్సేషన్ కు తెర తీయడం ఖాయం.
