చంద్రమోహన్ ఆరోగ్యంగానే వున్నారు
on Feb 19, 2015
టాలీవుడ్కు చెందిన ప్రముఖ సినీ నటుడు చంద్రమోహన్ హైదరాబాద్లోని ఆపోలో ఆసుపత్రిలో చేరిన నేపథ్యంలో ఆయన ఆరోగ్యంగానే ఉన్నాడని చంద్రమోహన్ మేనల్లుడు కృష్ణప్రసాద్ తెలిపాడు. ప్రముఖ సినీ నటుడు చంద్రమోహన్కు గురువారం మధ్యాహ్నం గుండెపోటు రావటంతో, బందువులు, సన్నిహితులు ఆయన్ను హైదరాబాద్లోని అపోలో ఆసుపత్రికి తరలించారు. అక్కడ వైద్యులు ఆయనకు వెంటిలేటర్పై చికిత్స అందిస్తున్నారు. వెంటిలేటర్పై చికిత్స అందిస్తుండటంతో ఆయన ఆరోగ్య పరిస్థితిపై ఆందోళన నెలకొంది. అయితే చంద్రమోహన్ మేనల్లుడు మాత్రం తమ మామయ్య ఆరోగ్యంగానే ఉన్నాడని అంటున్నాడు. మామయ్య ఊపిరితిత్తుల్లో నీరు చేరటంతో ఆసుపత్రిలో చేర్చాము. ప్రస్తుతం ఆయన ఆరోగ్యంగానే ఉన్నారని కృష్ణప్రసాద్ చెప్పుకొచ్చాడు. అయితే చంద్రమోహన్కు వెంటిలేటర్పై చికిత్స అందిస్తున్నట్లు సమాచారం నేపథ్యంలో ఆయన తాజా ఆరోగ్య పరిస్థితిపై ఆసుపత్రి వైద్యులు ధ్రువీకరించాల్సి ఉంది.