ప్రభాస్ లాంటి హీరోని చూడలేదు!
on Mar 3, 2022
సల్మాన్ ఖాన్ రొమాంటిక్ హిందీ మూవీ 'మైనే ప్యార్ కియా' ద్వారా హీరోయిన్గా పరిచయమయ్యారు భాగ్యశ్రీ. ఆ సినిమా తెలుగులో 'ప్రేమపావురాలు' పేరుతో విడుదల కాగా తెలుగు ప్రేక్షక హృదయాలను కూడా గెలుచుకున్నారు. ఆ తరువాత హిందీ, తెలుగు, మరాఠి, కన్నడ, భోజ్పురి భాషల్లో ఎన్నో సినిమాల్లో నటించి మెప్పించారు. సుమారు రెండు దశాబ్దాల తరవాత ప్రభాస్ హీరోగా నటించిన పాన్ ఇండియా మూవీ 'రాధేశ్యామ్' సినిమాతో భాగ్యశ్రీ తన సెకెండ్ ఇన్నింగ్ స్టార్ట్ చేయబోతున్నారు. ఈ మూవీ ఈ నెల 11 న ప్రేక్షకుల ముందుకు రానుంది. ఈ సినిమాలో ప్రభాస్ కి తల్లిగా నటించిన భాగ్యశ్రీ తాజాగా మీడియాతో ముచ్చటించారు.
* నేను సినిమాలు చేయాలి అనుకున్నప్పుడు మొదటి సారిగా తలైవి, రాధే శ్యామ్ సినిమాలలో యంగ్ మదర్ క్యారెక్టర్ చేయమని రెండు సినిమాల దర్శకులు వేరు వేరు గా కథలు చెప్పడం జరిగింది. రెండు సినిమాలు ప్యార్లల్ గా ఒకే సారి స్టార్ట్ అయినా కూడా ప్యాండమిక్ వలన రాధే శ్యామ్ డిలే అయ్యింది.
* పాన్ ఇండియా స్టార్ అయిన ప్రభాస్ కు పాన్ ఇండియా సినిమా రాధే శ్యామ్ లో నేను తల్లి గా నటిస్తున్నందుకు చాలా సంతోషంగా ఉంది. ప్రభాస్ చాలా గొప్ప నటుడు తనకు పాన్ ఇండియాలో ఎంతో క్రేజ్ ఉన్నప్పటికీ తోటి వ్యక్తులతో తో కలిసి మెలిసి ఉంటాడు. తనతో సెట్ లో నటించేటప్పుడు ఫ్యామిలీ వాతావరణం ఉండేది. పెద్ద హీరోను అనే గర్వం లేకుండా డౌన్ టు ఎర్త్ ఉండటం ఈ మధ్య కాలంలో ప్రభాస్ నే చూస్తున్నాను.
* యు.వి.క్రియేషన్స్ వాళ్ళు మంచి ప్రొడక్షన్ వ్యాల్యూస్ తో సినిమా తీశారు. ఏ విషయంలో కూడా రాజీ పడకుండా గొప్పగా చిత్రీకరించారు. జార్జియా లో గడ్డ కట్టే చలి వున్నా కూడా నిర్మాతలు మమ్మల్ని బాగా చూసుకున్నారు.
* మైనే ప్యార్ కియా తరువాత నేను కొన్ని సినిమాలు చేశాను. ఆ టైం లో పెళ్లి చేసుకొంటే ఫ్యామిలీ బాండింగ్ బాగుంటుందని నేను పెళ్లి చేసుకున్నాను. అప్పుడు ఫ్యామిలీ తో బిజీ గా ఉన్నందున నేను సినిమాలకు దూరం అయ్యాను. ఇప్పుడు మా పిల్లలు పెద్ద అయినందున భర్త, పిల్లలు మళ్ళీ నటించమని ప్రోత్సాహించడంతో సినిమాలు చేయడానికి ముందుకు వచ్చాను
* తెలుగు సినిమా ఇండస్ట్రీ అంటే నాకు చాలా ఇష్టం. ఇంతకు ముందు తెలుగు ప్రేక్షకులు నన్నెంతగానో ఆదరించారు. ఇవాళ బాలీవుడ్ లో ప్రతి ఒక్కరూ తెలుగు, తమిళ ఇండస్ట్రీ వైపు చూస్తున్నారు. ఎందుకంటే తెలుగులో చాలా మంచి చిత్రాలు తీస్తున్నారు. తెలుగులో ఒక్క మదర్ క్యారెక్టర్స్ మాత్రమే కాకుండా నటనకు మంచి స్కోప్ వుండే పర్ఫార్మెన్స్ పాత్రలు ఏమున్నా చేయడానికి సిద్ధంగా వున్నాను.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
