ప్రత్యూష బాయ్ ఫ్రెండ్ ను అరెస్ట్ చేయద్దన్న కోర్టు..!
on Apr 12, 2016
ప్రత్యూష బెనర్జీ ఆత్మహత్య ఉదంతంలో, బాయ్ ఫ్రెండ్ రాహుల్ రాజ్ ను పోలీసులు కేసు నమోదు చేసి విచారించిన సంగతి తెలిసిందే. ప్రత్యూషను ఆత్మహత్య చేసుకునేలా రాహుల్ ప్రేరేపించాడంటూ ఆమె కుటుంబసభ్యులు, స్నేహితులు పోలీసులకు ఫిర్యాదు చేశారు. మరో వైపు ప్రత్యూష మృతిలో షాక్ కు గురయ్యానంటూ హాస్పిటల్ లో చేరాడు రాహుల్. ఈ కేసుపై అతను ముంబై సెషన్స్ కోర్టుకు ముందస్తు బెయిల్ కు చేసిన అప్పీల్ ను కోర్టు తిరస్కరించడంతో, హైకోర్టుకు అప్పీల్ చేశాడు రాహుల్. అతని అప్పీల్ ను మంగళవారం పరిశీలించిన హైకోర్టు వారం రోజుల వరకూ రాహుల్ ను అరెస్ట్ చేయద్దంటూ ఉత్తర్వులు ఇచ్చింది. దీంతో తాత్కాలికంగా రాహుల్ కు ఊరట లభించింది.