Home

»

Latest News

అనిరుధ్‌కి అరుదైన అవ‌కాశం!!

Dec 11, 2018 1:43PM


   

వై దిస్ కొల‌వ‌రి....సాంగ్ తో వ‌ర‌ల్డ్ వైడ్ గా పాపులారిటీ సంపాదించుకున్నాడు సంగీత యువ త‌రంగం అనిరుధ్. త‌మిళం లో స్టార్ హీరోల‌తో సినిమాలు చేస్తూ బిజీ బిజీగా గ‌డుపుతోన్న అనిరుధ్ క‌మ‌ల్ హాస‌న్, శంక‌ర్ ల `భార‌తీయుడు-2` చిత్రానికి మ్యూజిక్ చేసే  అరుదైన అవ‌కాశం సంపాదించుకున్న‌ట్లు తెలుస్తోంది.   లోక నాయ‌కుడు క‌మ‌ల్ హాస‌న్ , ద‌ర్శ‌క దిగ్గ‌జం శంక‌ర్ క‌ల‌యిక‌లో `భార‌తీయుడు` చిత్రం వ‌చ్చి ఎంత ఘ‌న విజ‌యం సాధించిందో తెలిసిందే. అయితే వీరి కాంబినేష‌న్ లో సీక్వెల్ గా  `భార‌తీయుడు-2` చిత్రం వ‌స్తోన్న విష‌యం కూడా విదిత‌మే. అయితే ఈ చిత్రం డిసెంబ‌ర్ 14న సెట్స్ మీద‌కు వెళ్ల‌నున్న‌ట్లు స‌మాచారం అందుతోంది.  ఈ చిత్రానికి అనిరుధ్ మ్యూజిక్ డైర‌క్ట‌ర్ గా ఫైన‌ల్ చేశార‌ట శంక‌ర్. ఇప్ప‌టి వ‌ర‌కు ఏ ఆర్ రెహ‌మాన్, హ‌రీష్ జైరాజ్ లు శంక‌ర్ సినిమాల‌కు ప‌ని చేశారు. ఈ అరుదైన అవ‌కాశంతో అనిరుధ్ ఆనందానికి అవ‌ధుల్లేకుండా పోయిన‌ట్లు తెలుస్తోంది. లైకా ప్రొడక్ష‌న్స్ నిర్మించ‌నున్న ఈ చిత్రంలో క‌మ‌ల్ స‌ర‌స‌న కాజ‌ల్ హీరోయిన్ గా న‌టిస్తోంది. వెన్నెల కిషోర్ కూడా ఈ చిత్రంలో న‌టించే అవ‌కాశం అందుకున్నాడు.  ఈ చిత్రం క‌మ‌ల్ కి ఆఖ‌రి చిత్రం కానుంద‌ట‌. ఆ త‌ర్వాత క‌మ‌ల్ హాస‌న్ పూర్తిగా పాలిటిక్స్ కి అంకిత‌మైపోనున్నాడ‌ట‌.

google-ad-img

Customer Service

For support : teluguone.teluguone@gmail.com | For Queries : support@teluguone.com