Akhanda 2: బాలయ్య తాండవానికి యూట్యూబ్ షేక్!
on Nov 25, 2025
పది రోజుల్లో అఖండ-2 తాండవం
రోజురోజుకి పెరిగిపోతున్న అంచనాలు
సోషల్ మీడియాని షేక్ చేస్తున్న సాంగ్స్, ట్రైలర్
టాలీవుడ్ నుండి త్వరలో విడుదల కానున్న మోస్ట్ హైప్డ్ సినిమాలలో 'అఖండ-2' ముందు వరుసలో ఉంటుంది. నందమూరి బాలకృష్ణ, బోయపాటి శ్రీను కాంబినేషన్ లో డిసెంబర్ 5న రానున్న ఈ సినిమాపై అంచనాలు తారాస్థాయిలో ఉన్నాయి. అందుకు తగ్గట్టుగానే కొద్దిరోజులుగా ఎక్కడ చూసినా అఖండ-2 ఫీవర్ కనిపిస్తోంది. (Akhanda 2 Thaandavam)
అసలే బాలయ్య-బోయపాటి కాంబో, దానికితోడు అఖండ సీక్వెల్ కావడంతో.. 'అఖండ-2'పై అంచనాలు వేరే లెవెల్ లో ఉన్నాయి. అందుకు శాంపిల్ అన్నట్టుగా.. సాంగ్స్, ట్రైలర్ కి అదిరిపోయే రెస్పాన్స్ వస్తోంది. యూట్యూబ్ తో పాటు అన్ని సోషల్ మీడియా ప్లాట్ఫామ్స్ లో ఇవి ట్రెండింగ్ లో ఉన్నాయి.
అఖండ-2 నుండి ఫస్ట్ సింగిల్ గా 'తాండవం' సాంగ్ నవంబర్ 14న విడుదలైంది. ఇప్పటికే 12 మిలియన్ కి పైగా వ్యూస్ సాధించిన ఈ సాంగ్.. యూట్యూబ్ మ్యూజిక్ లో టాప్-11 లో ట్రెండ్ అవుతోంది.
సెకండ్ సింగిల్ గా 'జాజికాయ' సాంగ్ నవంబర్ 18న విడుదల కాగా, ఇప్పటికే 10 మిలియన్ కి పైగా వ్యూస్ సాధించింది. అంతేకాదు, యూట్యూబ్ మ్యూజిక్ లో టాప్-5 లో ట్రెండ్ అవుతోంది.
Also Read: మహేష్ 'వారణాసి'లో ఎన్టీఆర్ కొడుకు భార్గవ్ రామ్!
ఇక అఖండ-2 ట్రైలర్ నవంబర్ 21న రిలీజ్ అయింది. అన్ని వర్గాల నుండి సూపర్బ్ రెస్పాన్స్ తెచ్చుకున్న ట్రైలర్.. ఇప్పటికే 22 మిలియన్ కి పైగా వ్యూస్ సాధించి, ట్రెండింగ్ లో ఉంది.
సరిగ్గా మరో పదిరోజుల్లో డిసెంబర్ 5న అఖండ-2 తాండవం మొదలు కానుంది. విడుదలకు ముందే ఎన్నో సంచలనాలు సృష్టిస్తున్న ఈ చిత్రం.. విడుదల తర్వాత ఇంకెన్ని సంచలనాలు సృష్టిస్తుందో చూడాలి.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
