దంగల్ మూవీని అమీర్ ఖాన్ పాకిస్థాన్ లో ఎందుకు విడుదల చెయ్యలేదు
on Jun 14, 2025
ఇండియన్ సిల్వర్ స్క్రీన్ పై 'అమీర్ ఖాన్'(Aamir Khan)కట్ అవుట్ కి ఉన్న చరిష్మా గురించి ఇప్పుడు ప్రత్యేకంగా చెప్పుకోవాల్సిన పని లేదు. 1973 లో బాలనటుడిగా ఎంట్రీ ఇచ్చిన అమీర్, ఆ తర్వాత కొన్ని సినిమాలకి అసిస్టెంట్ డైరెక్టర్ గా వర్క్ చేసాడు. 1984 లో 'హోలీ' అనే మూవీతో హీరోగా పరిచయమయ్యి, నేటి వరకు ఎన్నో బ్లాక్ బస్టర్ చిత్రాలని అందించాడు. అలాంటి వాటిల్లో 'దంగల్'(Dangal)ఒకటి.
రీసెంట్ గా అమీర్ ఒక ఇంటర్వ్యూలో 'దంగల్' గురించి మాట్లాడుతు పాకిస్థాన్ లో 'దంగల్' విడుదల కావాలంటే మన జాతీయ గీతాన్ని, జాతీయ జెండాని తొలిగించాలని పాకిస్థాన్ సెన్సార్ బోర్డు సూచించింది. వాళ్ళు ఆ విధంగా చెప్పిన సెకను లోపే పాకిస్థాన్ లో మా సినిమా విడుదల కాదని, భారత్ కి వ్యతిరేకంగా ఉన్న దేనికి మద్దతు ఇవ్వనని చెప్పాను. దాంతో కలెక్షన్స్ పై ప్రభావం చూపిస్తుందని మా నిర్మాతలు చెప్పారు. కానీ నేను లెక్క చెయ్యలేదని అమీర్ చెప్పుకొచ్చాడు. ఈ మాటలు సోషల్ మీడియాలో వైరల్ గా మారడంతో పలువురు నెటిజన్స్ అమీర్ దేశ భక్తిని మెచ్చుకుంటు ట్వీట్స్ చేస్తున్నారు.
దంగల్ మూవీ 2016 లో ప్రేక్షకుల ముందుకు వచ్చింది. సిద్దార్ధ్ రాయ్ కపూర్, కిరణ్ రావుతో కలిసి అమీర్ నే నిర్మించగా నితీష్ తివారి దర్శకత్వం వహించాడు. హర్యానా రాష్టానికి చెందిన కుస్తీ వీరుడు మహావీర్ సింగ్ ఫోగట్, అతని ఇద్దరి కూతుళ్లు కుస్తీ పోటీల్లో ఇండియాకి గోల్డ్ మెడల్ ని అందించడానికి ఎన్నెన్ని కష్టాలు పడ్డారో ఈ చిత్రంలో చూపించారు. మహా వీర్ సింగ్ పొగట్ గా అమీర్ అత్యద్భుతంగా నటించాడు. భారతదేశంతో పాటు జాతీయ జెండా గొప్పతనం మూవీలో అడుగడుగునా కనపడుతూనే ఉంటుంది. ఇప్పటి వరకు భారతీయ చలన చిత్ర చరిత్రలో అత్యధిక కలెక్షన్స్ వసూలు చేసిన చిత్రం దంగల్ నే.
Also Read
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
