ప్రతి ఇంట్లోనూ ఒక నిశ్శబ్ద పోరాటం జరుగుతూనే ఉంటుంది. అది బయటి ప్రపంచానికి కనిపించని కన్నీరు, వినిపించని నిట్టూర్పు. ఇంటి బాధ్యతలు, ఉద్యోగ ఒత్తిడి, చుట్టాల చాకిరీ.. వీటన్నింటి మధ్య ఒక స్త్రీ తన ఉనికిని ఎలా కాపాడుకుంటుంది? తన ఆరోగ్యం సహకరించకపోయినా, మనసు గాయపడినా చిరునవ్వుతో సంసారాన్ని ఎలా ఈదుతుంది? ఈ కథనం అలాంటి ఒక మాతృమూర్తి, ఒక ధైర్యవంతురాలైన భార్య మనోవేదనను మరియు ఆమె పొందిన విజయాన్ని ఆవిష్కరిస్తుంది.
ఒక నిరంతర శ్రమ ఒక మహిళ తన పనులన్నీ ముగించుకుని కాస్త విశ్రాంతి కోరుకోవడం కూడా నేరమేనా? ‘ఒళ్ళంతా పులిసిపోయింది, ఇవాళ్టికి వద్దండి’ అని ప్రాధేయపడినా, ఇంటి పనులు, వంట వార్పు తప్పవు. ఇంటికి వచ్చే చుట్టాలకి మర్యాదలు చేయడం, వారి అభిరుచులకు తగ్గట్టుగా వంటలు వడ్డించడం ఒక ఎత్తయితే, అది తన బాధ్యత మాత్రమే అన్నట్టు ప్రవర్తించే భర్తను భరించడం మరో ఎత్తు. అలసటతో ఉన్నా సాయంత్రం వేళ ఇల్లంతా ఊడ్చి, ముగ్గులు పెట్టి, స్నానం చేసి ముస్తాబై భర్త కోసం నిలబడాలనే నిబంధనలు ఆమె శ్రమను గుర్తించకపోవడమే.
ఆర్థిక ఇబ్బందుల వల్ల ఇల్లు మారినా, కొత్త ఇంట్లో కూడా కష్టాలు వెంటాడుతుంటే ఆ వేదన వర్ణనాతీతం. భర్తకు ఉద్యోగం లేకపోయినా, భార్య చేసే చిన్న ఉద్యోగం పట్ల అతను అసూయ పెంచుకోవడం సమాజంలోని ఒక చేదు నిజం. ఈ ఇన్ఫీరియారిటీ కాంప్లెక్స్ వల్ల అతను ఆమెను మానసికంగా వేధించడం, మాటలతో గుచ్చడం మనసును కలచివేస్తుంది. ‘మగవాడిగా పుట్టడం గొప్పతనం కాదు, తన మీద ఆధారపడిన వాళ్ళని ఏ లోటు లేకుండా చూసుకోవడమే మగతనం’ అని వైద్యుడి ద్వారా తెలుసుకునే వరకు ఆ భర్తకు తన తప్పు తెలియదు.
బిడ్డకు ఆరోగ్యం బాగోలేనప్పుడు, ఒకవైపు ఉద్యోగాన్ని కాపాడుకోవాలనే ఆరాటం, మరోవైపు కన్న కొడుకు ప్రాణం మీదికి వస్తుందనే భయం మధ్య నలిగిపోయే తల్లి మనసు ఎంత విలవిలలాడుతుందో ఎవరూ ఊహించలేరు. ‘వాడు నా ప్రాణంలో ప్రాణం’ అని వేడుకున్నా, బిడ్డ ఏ ఆసుపత్రిలో ఉన్నాడో చెప్పకుండా వేధించడం ఒక క్రూరత్వమే. కానీ, ఎన్ని ఆటంకాలు ఎదురైనా తన బిడ్డ కోసం, తన కుటుంబ గౌరవం కోసం పోరాడే మహిళా శక్తి అమోఘం.
జీవితంలో కష్టాలు శాశ్వతం కావు. కష్టం వెనుకే సుఖం ఉంటుందని తెలియజెప్పే ఈ సన్నివేశాల సమాహారం జంధ్యాల దర్శకత్వంలో వచ్చిన ‘లేడీస్ స్పెషల్’ చిత్రంలోనిది. సురేష్, వాణి విశ్వనాథ్, దివ్యవాణి, రష్మీ, సంధ్య, సుత్తివేలు, బ్రహ్మానందం తదితరులు నటించిన ఈ సినిమాలోని కొన్ని కీలక సన్నివేశాలతో కూడా వీడియో మీకు అందిస్తున్నాం. చూసి ఆనందించడి, ఆలోచించండి. మరిన్ని మంచి వీడియోల కోసం మా Teluguone youtube channelను Subscribe చేసుకోండి.
