Home

»

Latest News

51 వ‌సంతాల‌ `సిసింద్రీ చిట్టిబాబు`!

Jun 18, 2022 10:41AM

తెలుగువారిని విశేషంగా అల‌రించిన జంట‌ల్లో `న‌ట‌భూష‌ణ్` శోభ‌న్ బాబు, `ఊర్వశి` శార‌ద  జోడీ ఒక‌టి. వీరిద్ద‌రు జ‌ట్టుక‌ట్ట‌గా ఆక‌ట్టుకున్న చిత్రాల్లో `సిసింద్రీ చిట్టిబాబు` ఒక‌టి.  `మ‌నుషులు మారాలి` వంటి ఘ‌న‌విజ‌యం త‌రువాత శోభ‌న్, శార‌ద కాంబినేష‌న్ లో వ‌చ్చిన  లో ఈ సినిమాని ఎ. సంజీవి (ప్ర‌ముఖ ఎడిట‌ర్ శ్రీ‌కర్ ప్ర‌సాద్ తండ్రి) డైరెక్ట్ చేయ‌గా..  పినిశెట్టి (ప్ర‌ముఖ ద‌ర్శ‌కుడు ర‌విరాజా పినిశెట్టి నాన్న‌) క‌థ‌ను అందించారు. ఇందులో `సిసింద్రీ చిట్టిబాబు`గా మాస్ట‌ర్ ప్ర‌భాక‌ర్ టైటిల్ రోల్ లో న‌టించ‌గా.. గుమ్మడి, రాజబాబు, సూర్యకాంతం,  అల్లు రామలింగయ్య, రాధాకుమారి, గోకినరామారావు, మాడా ముఖ్య పాత్ర‌ల్లో ఆక‌ట్టుకున్నారు. న‌గేశ్, జ్యోతిల‌క్ష్మీ  ఓ ప్ర‌త్యేక గీతంలో  చిందులేశారు.

టి. చ‌ల‌ప‌తిరావు బాణీలు క‌ట్టిన ఈ చిత్రానికి దిగ్గ‌జ గీత‌ర‌చ‌యిత‌లు సి.నారాయ‌ణ‌రెడ్డి, కొస‌రాజు సాహిత్య‌మందించారు.  ``వ‌స్తా వెళ్ళొస్తా..``, ``బొమ్మ‌లోయ్ బొమ్మ‌లు``, ``ఓహో ఓహో జాంబియా``, ``ముల్లు గుచ్చుకుంది బావా`` అంటూ మొద‌ల‌య్యే ఇందులోని పాట‌లు రంజింప‌జేశాయి.   ర‌వీంద్ర ఆర్ట్ పిక్చ‌ర్స్ ప‌తాకంపై త‌మ్మారెడ్డి కృష్ణ‌మూర్తి నిర్మించిన `సిసింద్రీ చిట్టిబాబు`.. 1971 జూన్ 18న విడుద‌లై విజ‌య‌ప‌థంలో ప‌య‌నించింది. కాగా,  నేటితో ఈ చిత్రం 51 వ‌సంతాల‌ను పూర్తిచేసుకుంది.

google-ad-img

Customer Service

For support : teluguone.teluguone@gmail.com | For Queries : support@teluguone.com