సిల్వర్ స్క్రీన్ పై హీరోయిన్ గా  మెరిసే అదృష్టం ఏ కొంతమందికో వస్తుంది. ఒక వేళ వచ్చిందే అనుకుందాం. మూవీ రిలీజ్ అయ్యాక   పెర్ఫార్మెన్స్ బాగుందంటే వేరే చిత్రాల్లో అవకాశాలు వస్తాయి. కానీ ఒక్క మూవీ కూడా రిలీజ్ అవ్వకుండానే వరుసగా అవకాశాలు వస్తే.. ఆ హీరోయిన్ భాగ్యశ్రీ బోర్సే( Bhagyashri Borse)అవుతుంది.

అందానికి పర్యాయ పదం ఏదైనా ఉంది అంటే అది భాగ్యశ్రీ బోర్సే అని చెప్పుకోవచ్చు. రవితేజ(ravi teja)హీరోగా హరీష్ శంకర్ దర్శకత్వంలో వస్తున్న మిస్టర్ బచ్చన్ ద్వారా తెలుగు సీమకి పరిచయం అవుతుంది. ప్రస్తుతం  ఆ మూవీ షూటింగ్ దశలో ఉంది. అదే విధంగా విజయ్ దేవరకొండ(vijay devarakonda)హీరోగా  గౌతమ్ తిన్ననూరి దర్శకత్వంలో వస్తున్న  మూవీలో కూడా తనే హీరోయిన్ .ఆ చిత్రం కూడా షూటింగ్ దశలో ఉంది.  ఇప్పుడు ముచ్చటగా  మూడో అవకాశాన్ని కూడా పొందింది. మలయాళ సూపర్ స్టార్ దుల్కర్ సల్మాన్  హీరోగా పాన్ ఇండియా లెవల్లో ఒక చిత్రం రూపొందుతుంది. ఎస్ ఎల్ వి పతాకంపై తెలుగు నిర్మాత  సుధాకర్ చెరుకూరి ఒక చిత్రాన్ని నిర్మిస్తున్నాడు. ఇందులో కూడా భాగ్యశ్రీనే ఫిక్స్ అయ్యింది.   రవి అనే నూతన కొత్త  దర్శకుడు ఆ మూవీ ద్వారా  పరిచయం కాబోతున్నాడు.

ఇక ఈ మూడు చిత్రాలు భారీ సినిమాలు కావడం. పైగా బడా హీరోలవి  కావడంతో రాబోయే రోజుల్లో భాగ్యశ్రీ తెలుగు నాట  నెంబర్ వన్ హీరోయిన్ అవ్వడం ఖాయమనే సంకేతాలు వినిపిస్తున్నాయి. సోషల్ మీడియాలో ఎప్పుడు యాక్టివ్ గా ఉండే    భాగ్యశ్రీ కి చాలా మంది ఫాలోవర్స్ ఉన్నారు.ఆమె పిక్స్ కి యూత్ మొత్తం ఫిదా అవుతుంది. 2023 లో బాలీవుడ్ లో తెరకెక్కిన యారియాన్ 2 అనే రొమాంటిక్ కామెడీ ద్వారా సినీ రంగ ప్రవేశం చేసింది.