సీక్వెల్ బాటలో 'వార్'!
on Oct 9, 2021
బాలీవుడ్ కండల వీరుడు హృతిక్ రోషన్ కెరీర్ బిగ్గెస్ట్ హిట్స్ లో `వార్` ఒకటి. యంగ్ హీరో టైగర్ ష్రాఫ్ తో కలిసి హృతిక్ నటించిన ఈ మల్టిస్టారర్.. 2019 గాంధీ జయంతికి విడుదలై బాక్సాఫీస్ వద్ద వసూళ్ళ వర్షం కురిపించింది. సిద్ధార్ధ్ ఆనంద్ దర్శకత్వంలో యశ్ రాజ్ ఫిల్మ్స్ పతాకంపై ఆదిత్య చోప్రా నిర్మించిన ఈ యాక్షన్ థ్రిల్లర్.. ఇటీవలే రెండేళ్ళు పూర్తిచేసుకుంది. ఈ నేపథ్యంలో.. `వార్` సీక్వెల్ గురించి తీపి కబురు చెప్పారు దర్శకుడు సిద్ధార్ధ్ ఆనంద్.
`వార్` హిట్ అయితే కొనసాగింపుగా `వార్ 2` చేయాలని ఆదిత్య, తను ముందే నిర్ణయించుకున్నామని.. దానికి తగ్గట్టే సీక్వెల్ ఐడియా ప్లాన్ చేశామని చెప్పారు సిద్ధార్ధ్. అదేవిధంగా, `వార్ 2` సీక్వెల్ ఓ పెద్ద బాధ్యత అని.. `వార్`ని మించేలా చాలా కసరత్తులే చేయాలని ఆయన వ్యాఖ్యానించారు. అలాగే హృతిక్ రోషన్, టైగర్ ష్రాఫ్ ఈ సీక్వెల్ లోనూ కొనసాగుతారని.. అన్నీ అనుకున్నట్లుగా జరిగితే వచ్చే సంవత్సరం `వార్ 2` సెట్స్ పైకి వెళ్ళే అవకాశముందని సిద్ధార్ధ్ ఆనంద్ చెప్పుకొచ్చారు. మరి.. `వార్`లాగే `వార్ 2` కూడా బాక్సాఫీస్ సెన్సేషన్ గా నిలుస్తుందేమో చూడాలి.
Also Read