హృతిక్ తో డేటింగ్.. మాస్క్ పెట్టుకున్న ఆ బ్యూటీని గుర్తుపట్టారా?
on Jan 31, 2022
బాలీవుడ్ స్టార్ హృతిక్ రోషన్ తాజాగా ఓ యువతి చెయ్యి పట్టుకొని నడుస్తూ కెమెరా కంటికి చిక్కాడు. దీంతో హృతిక్ తో అంత చనువుగా ఉన్న ఆమె ఎవరు అంటూ నెటిజన్లు సెర్చ్ చేయడం మొదలు పెట్టారు. అయితే ఆమె ఎవరో కాదు మ్యుజీషియన్, యాక్ట్రెస్ సబా ఆజాద్ అని, ఆమెతో హృతిక్ కొద్దిరోజులుగా డేటింగ్ లో ఉన్నాడని న్యూస్ వినిపిస్తోంది.
హృతిక్ ఓ యువతి చేయి పట్టుకొని ముంబైలోని ఓ రెస్టారెంట్ నుంచి బయటకు వస్తున్న ఫోటోలు, వీడియో తాజాగా సోషల్ మీడియాలో వైరల్ అయ్యాయి. మాస్క్ పెట్టుకొని ఉండటంతో ఆ యువతి ఎవరనేది మొదట అర్థంకాలేదు. అయితే, రెస్టారెంట్ నుంచి బయటకు వచ్చినప్పటి నుంచి కారు ఎక్కేంత వరకు హృతిక్ ఆమె చేతిని వదలకపోవడంతో.. ఆమె ఎవరని తెలుసుకోవాలనే ఆసక్తి ఏర్పడింది. అయితే ఆ యువతి సబా ఆజాద్ అని తెలిసిపోయింది. కొంతకాలంగా వీరిద్దరూ డేటింగ్ లో ఉన్నారని, ఇటీవల ఇద్దరూ గోవాలో హాలిడే ఎంజాయ్ చేశారని కూడా ప్రచారం జరుగుతోంది.
భార్య తో 2014 లో విడాకులు తీసుకున్న 48 ఏళ్ల హృతిక్.. కొంతకాలంగా 32 ఏళ్ల సబా ఆజాద్ తో డేట్ చేస్తున్నాడని తెలుస్తోంది. గతంలో నసీరుద్దీన్ షా తనయుడు ఇమాద్ షాతో ప్రేమాయణం సాగించిన సబా ఆజాద్.. అతనికి బ్రేకప్ చెప్పి ఇటీవల హృతిక్ కి దగ్గరైనట్లు సమాచారం.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
