బాలీవుడ్‌లో సరికొత్త కథాంశంతో తెరకెక్కిన సస్పెన్స్ డ్రామా చిత్రం 'దాయ్‌రా' బాక్సాఫీస్ వద్ద ఆశించిన స్థాయి ఫలితాన్ని అందుకోలేకపోయింది. కరీనా కపూర్ ఖాన్, మలయాళ స్టార్ పృథ్వీరాజ్ సుకుమారన్ వంటి విలక్షణ నటులు ప్రధాన పాత్రల్లో నటించినప్పటికీ, ఈ చిత్రం ప్రేక్షకులను థియేటర్లకు రప్పించడంలో తీవ్రంగా విఫలమైంది.

ప్రసిద్ధ దర్శకురాలు మేఘనా గుల్జార్ ఈ చిత్రాన్ని అత్యంతోత్కంఠభరితంగా తెరకెక్కించినప్పటికీ, తొలి రోజు నుంచే బాక్సాఫీస్ వద్ద మందకొడి వసూళ్లతో నిరాశపరిచింది. నార్త్ ఇండియాతో పాటు సౌత్‌లోనూ ఈ సినిమాకు ఊహించని రీతిలో లో-ఆక్యుపెన్సీ నమోదవ్వడం ట్రేడ్ వర్గాలను సైతం ఆశ్చర్యానికి గురిచేసింది.

ఇది కూడా చదవండి: సేల్స్ గర్ల్ నుండి సిల్వర్ స్క్రీన్ వరకు.. ది ప్యారడైజ్ హీరోయిన్ ఇన్‌‌స్పైరింగ్ జర్నీ

దర్శకుడిగా, నటుడిగా వరుస విజయాలతో దూసుకుపోతున్న పృథ్వీరాజ్ సుకుమారన్ నటించినప్పటికీ, ఆయన సొంత రాష్ట్రమైన కేరళలో ఈ సినిమాకు కేవలం 7 శాతం మాత్రమే ఆక్యుపెన్సీ లభించడం గమనార్హం. అలాగే హిందీ బెల్ట్‌లో తొలి రోజు కేవలం 11.65 శాతానికే పరిమితమైంది. స్టార్ కాస్టింగ్ ఉన్నప్పటికీ జనాలు థియేటర్ల వైపు మొగ్గు చూపకపోవడం కలకలం రేపుతోంది.

ఈ సినిమా పరాజయానికి బాక్సాఫీస్ వద్ద రన్ అవుతున్న భక్తిరస చిత్రం 'హనుమాన్ అంశ్' ప్రభంజనం కూడా ఒక ప్రధాన కారణమని విశ్లేషకులు చెబుతున్నారు. ఇప్పటికే రూ. 300 కోట్ల గ్రాస్ వసూళ్లను దాటేసిన ఆ చిత్రం ముందు 'దాయ్‌రా' నిలదొక్కుకోలేకపోయింది. అంతేకాకుండా, గతంలో వచ్చిన 'తల్వార్' తరహాలో మేఘనా గుల్జార్ ఈ కథను గ్రిప్పింగ్‌గా మలచలేకపోయారనే టాక్ కూడా ఉంది.

దిశా ఘటన ఆధారంగా తెరకెక్కినప్పటికీ, ఆ ఉదంతం జరిగి ఏళ్ళు గడిచిపోవడం మరియు ఇప్పటికే ఇవే అంశాలపై పలు చిత్రాలు రావడం కూడా ప్రేక్షకులు ఆసక్తి చూపకపోవడానికి కారణంగా కనిపిస్తోంది. కరీనా, పృథ్వీరాజ్‌ల క్రేజ్ వల్ల హిందీ, సౌత్ భాషల్లో ఈ చిత్రం బాగుంటుందని ఆశించిన నిర్మాతలు ప్రస్తుతం కలెక్షన్లను చూసి నిరాశలో మునిగిపోయారు.

మీకు నచ్చుతుంది: మెగా కాంబో: బుచ్చిబాబుతో చిరంజీవి సినిమా.. అసలు ట్విస్ట్ ఇదే.!

 

 

[Daayra Box Office, Kareena Kapoor, Prithviraj Sukumaran, Meghna Gulzar, Bollywood Box Office Collection]