రాజ్ కుమార్ రావు(Rajkummar Rao)వామికా గబ్బి(Wamiqa Gabbi)ప్రధాన పాత్రల్లో నటించిన మూవీ 'భూల్ ఛుక్ మాఫ్'(Bhool Chuk Maaf). కంప్లీట్ ఫ్యామిలీ డ్రామాగా తెరకెక్కిన ఈ మూవీని మాడాక్ ఫిల్మ్స్ పతాకంపై  ఇటీవల 'చావా'(Chhaava)తో భారీ విజయాన్ని అందుకున్న దినేష్ విజయన్ నిర్మిస్తుండగా, కరణ్ శర్మ(karan Sharma) దర్శకుడిగా వ్యవహరిస్తున్నాడు. సీమా పెహ్వ, సంజయ్ మిశ్ర, జాకిర్ హుస్సేన్, రఘుబీర్ యాదవ్ తదితరులు కీలక పాత్రలు పోషించారు. 

ఈ మూవీ మే 9 శుక్రవారం వరల్డ్ వైడ్ గా విడుదల కావాల్సి ఉంది. కానీ 'ఆపరేషన్ సింధూర్' తర్వాత దేశ వ్యాప్తంగా ఏర్పడిన పరిస్థితుల దృష్ట్యా థియేటర్స్ లో కాకుండా నేరుగా ఓటిటిలో విడుదల కాబోతుంది.  ఈ మేరకు మేకర్స్ అధికారకంగా ఒక ప్రకటన విడుదల చేస్తు 'భూల్ ఛుక్ మాఫ్' ని థియేటర్స్ లో సెలబ్రేట్ చేసుకోవాలని అనుకున్నాం. కానీ దేశస్ఫూర్తికి మొదటి ప్రాధాన్యత ఇస్తూ, ఈ నెల 16 నుంచి అమెజాన్ ప్రైమ్ ద్వారా ప్రేక్షకుల ముందుకు తీసుకువస్తున్నామని తెలిపింది.

రాజ్ కుమార్ రావు 2011 లో విడుదలైన 'రాగిణి ఏంఏంఎస్' మూవీతో సోలో హీరోగా ఎంట్రీ ఇచ్చాడు. ఆ తర్వాత ఎన్నో అద్భుతమైన పాత్రలని పోషించి హిందీ చిత్ర సీమలో అత్యధిక ప్రేక్షకాదరణ పొందిన నటుల్లో ఒకడిగా ఎదిగాడు. ప్రత్యేకించి కామెడీ  ప్రయోగాత్మక చిత్రాలకి పేరు గాంచిన రాజ్ కుమార్ గత ఏడాది స్త్రీ 2 , విక్కీ విద్యా కా వహ్ వాలా వీడియో అనే చిత్రాల ద్వారా మంచి విజయాల్ని అందుకున్నాడు. రాజ్ కుమార్ రావు నుంచి ఇప్పటి వరకు సుమారు నలభైకి పైగా చిత్రాలు వచ్చాయి

.