బాలీవుడ్ మెగాస్టార్ అమితాబ్ బచ్చన్ కుటుంబంలో జరిగిన దీపావళి వేడుకలకు సంబంధించిన కొన్ని ప్రత్యేకమైన ఫోటోలు ప్రస్తుతం సోషల్ మీడియాలో  వైరల్ అవుతున్నాయి. ముఖ్యంగా అమితాబ్ బచ్చన్ మనవరాలు, ప్రముఖ వ్యాపారవేత్త నవ్య నవేలి నందా తన ఇన్‌స్టాగ్రామ్ వేదికగా పంచుకున్న దీపావళి ఫోటో ఆల్బమ్ నెటిజన్లను ఎంతగానో ఆకట్టుకుంటోంది.

ఈ ఫొటోల్లో అందరి దృష్టిని ప్రత్యేకంగా ఆకర్షించింది మాత్రం అభిషేక్ బచ్చన్, ఐశ్వర్య రాయ్ కుమార్తె  ఆరాధ్య బచ్చన్ మరియు శ్వేతా బచ్చన్ కుమారుడు అగస్త్య నందా కలిసి ఉన్న ఒక అరుదైన ఫ్రేమ్. 

సాధారణంగా సోషల్ మీడియాలో ఆరాధ్య బచ్చన్‌కు సంబంధించిన ఫోటోలు లేదా అప్‌డేట్లు చాలా అరుదుగా కనిపిస్తుంటాయి. అలాంటిది ఈ పండుగ వేడుకల్లో తన బావ  అగస్త్య నందాని  ఆప్యాయంగా హత్తుకున్న క్యూట్ హగ్ ఫోటో ఇప్పుడు సోషల్ మీడియాలో హాట్ టాపిక్‌గా మారింది.

ఇది కూడా చదవండి : సీన్ డైరెక్టర్ జీతూ మాధవన్ నెక్స్ట్  హీరో తెలిస్తే షాక్ అవుతారు: హీరోయిన్‌గా ఆ క్రేజీ బ్యూటీ!  

ఈ దీపావళి వేడుకల్లో బచ్చన్ కుటుంబ సభ్యులందరూ అత్యంత ఉత్సాహంగా పాలుపంచుకున్నారు. నవ్య నవేలి నందా ఎరుపు రంగు సంప్రదాయ హాల్టర్ నెక్ డిజైన్ శరారా దుస్తుల్లో చాలా అందంగా కనిపించగా, అగస్త్య నందా మరియు ఆరాధ్య బచ్చన్ ట్రెడిషనల్ క్రీమ్ కలర్ ఔట్‌ఫిట్స్‌లో కనిపించి అందరినీ ఆకట్టుకున్నారు.

అంతేకాకుండా, ఈ ఫొటో ఆల్బమ్‌లో నవ్య తన మామ అభిషేక్ బచ్చన్, తల్లి శ్వేతా బచ్చన్ కలిసి దీపావళి సందర్భంగా తారాజువ్వలు, తాలుకాయలు కాలుస్తూ పండుగను ఆనందంగా జరుపుకుంటున్న మరో అరుదైన క్షణాన్ని కూడా పంచుకున్నారు. "Happiest of Diwali's with my very own" అనే క్యాప్షన్‌తో నవ్య షేర్ చేసిన ఈ పోస్ట్‌కు బాలీవుడ్ ప్రముఖులు సుహానా ఖాన్, అనన్యా పాండే వంటి వారు కూడా లవ్ ఇమోజీలతో స్పందించారు.

అయితే, ఈ అందమైన కుటుంబ వేడుకల ఫోటోలలో ప్రముఖ నటి ఐశ్వర్య రాయ్ బచ్చన్ కనిపించకపోవడం పట్ల నెటిజన్లు రకరకాల కామెంట్లు చేస్తూ ఆరా తీస్తున్నారు. మరోవైపు బచ్చన్ కుటుంబం బంధాలకు, అనుబంధాలకు ఎంత ప్రాధాన్యత ఇస్తుందో ఈ ఒక్క ఫోటో నిరూపిస్తోందని అభిమానులు మురిసిపోతున్నారు. 

మీకు నచ్చవచ్చు : థియేటర్లలో భారీ బడ్జెట్ సినిమాల యాడ్స్: చిన్న సినిమాల ఫలితాన్ని మార్చేస్తున్నాయా?
మీకు నచ్చవచ్చు: సౌందర్య చనిపోయాక ఆ ఇంట్లో జరిగింది ఇదే!

 

[Aaradhya Bachchan And Agastya Nanda Diwali Pic viral, Aaradhya Bachchan, Agastya Nanda, Bachchan family Diwali, Navya Naveli Nanda, Abhishek Bachchan, Tollywood, Tollywood News, Telugu Cinema, Telugu Cinema News]