English | Telugu
నువ్వక్కడ...నేనిక్కడ..అంటూ ఆన్లైన్లో యానివర్సరీని సెలెబ్రేట్ చేసుకున్న సుమ-రాజీవ్
Updated : Feb 10, 2023
తన స్పాంటేనియస్ యాంకరింగ్ తో ఎంతో మందిని అలరిస్తున్న హోస్ట్ సుమ కనకాల. ఆమె గురించి ప్రత్యేకంగా చెప్పక్కర్లేదు. అసలు విషయానికి వస్తే సుమ-రాజీవ్ కనకాల తమ 24వ పెళ్లి రోజును వెరైటీగా ఆన్లైన్ లో సెలెబ్రేట్ చేసుకున్నారు. వీళ్ళిద్దరూ ఒకే చోట లేకపోయేసరికి వీడియో కాల్ చేసుకుని ‘నువ్వక్కడ.. నేనిక్కడ.. పాటక్కడ.. పలుకక్కడా అంటూ సుమ ఒక చరణం పాడితే..." మనసొక్కటి కలిసున్నది ఏనాడైనా" అంటూ రాజీవ్ కనకాల పాడారు. ఈ వీడియోని సుమ తన ఇన్స్టాగ్రామ్ పేజీలో పోస్ట్ చేసింది.
ఇది సోషల్ మీడియాలో ఇప్పుడు వైరల్ గా మారింది. ఈ వీడియో వాళ్లకున్న బిజీ షెడ్యూల్స్ లో మ్యారేజ్ డేని ఇలా ఒక పాట రూపంలో సెలెబ్రేట్ చేసుకోవడం వాళ్ళ అన్యోన్యతకు తార్కాణం. కొంత కాలం క్రితం ఈ జంట మీద సోషల్ మీడియాలో రూమర్స్ వచ్చిన విషయం..దాని గురించిన వాళ్ళు క్లారిటీ ఇచ్చిన విషయం తెలిసిందే. సుమ ఎలాంటి షో చేస్తున్నా అందులో తప్పనిసరిగా ఏదో ఒక చోట రాజీవ్ పేరును తలచుకోకుండా ఉండదు. దేవదాస్ కనకాల డైరెక్ట్ చేసిన "మేఘమాల" సీరియల్ లో కలిసి నటించిన రాజీవ్ కనకాల-సుమ ఆ తర్వాత ప్రేమించుకుని పెద్దల సమక్షంలో 1999, ఫిబ్రవరి 10న పెళ్లి చేసుకున్నారు. సుమ నేటివ్ కేరళ ఐనా కూడా తెలుగు భాష మాట్లాడితే చాలు తెలుగమ్మాయే అనిపించేలా ఉంటుంది.
తెలుగు మీద అంత గ్రిప్ తెచ్చుకుంది సుమ. స్టార్ హీరోలకు సంబంధించిన ఏ ఈవెంట్ , ఫంక్షన్, ప్రీ రిలీజ్ వేడుక ఏదైనా సరే ఆమె యాంకరింగ్ చేయాల్సిందే. ఇక నెటిజన్స్ ఈ జంటకు హ్యాపీ వెడ్డింగ్ యానివర్సరీ అని విష్ చేస్తూ కామెంట్స్ పెడుతున్నారు.