English | Telugu
శ్రీదేవి, శేఖర్ మాస్టర్ రొమాన్స్కు పగ్గాలు లేవుగా!
Updated : Mar 14, 2021
పెళ్లి చేసుకున్నాక సినిమాల్లో కనిపించకుండా పోయిన శ్రీదేవి తాజాగా స్టార్ మా చానల్లో ఓంకార్ ప్రొడ్యూస్ చేస్తున్న 'కామెడీ స్టార్స్' షోలో వన్ ఆఫ్ ది జడ్జ్గా వ్యవహరిస్తున్న విషయం తెలిసిందే. మరో జడ్జిగా డ్యాన్స్ మాస్టర్ శేఖర్ వ్యవహరిస్తున్నారు. గత కొన్ని వారాలుగా ఈ షో విజయవంతంగా టెలికాస్ట్ అవుతోంది. అవినాష్. అరియానా, అషురెడ్డి ఓ టీమ్గా, చమ్మక్ చంద్ర అండ్ కో ఓ టీమ్గా వ్యవహరిస్తూ తమదైన కామెడీతో అలరిస్తున్నారు.
ఇదిలా వుంటే ఈ ఆదివారం 'కామెడీ స్టార్స్'లో రొమాన్స్ డోస్ పెంచేసినట్టున్నారు. 'ఉప్పెన' కాన్సెప్ట్తో కామెడీని పండించే క్రమంలో కంటెస్టెంట్స్ 'ఉప్పెన'` పాటకు రొమాన్స్ చేస్తూ తమని తాము మర్చిపోయి చిందులేస్తూ రచ్చ చేస్తున్నారు. యాంకర్ రవి, లాస్య ఓ రేంజ్లో రొమాన్స్ చేయగా తమ ఛాన్స్ రావడంతో శేఖర్ మాస్టర్, శ్రీదేవి రెచ్చిపోయారు.
'ఉప్పెన'లోని "జల జల జలపాతం నువ్వు.." సాంగ్కు శేఖర్ మాస్టర్, హీరోయిన్ శ్రీదేవి రెచ్చిపోయి స్టెప్పులేశారు. శేఖర్ మాస్టర్ ఛాన్స్ దొరికింది కదా అని శ్రీదేవిని కౌగిలిలో బంధిస్తూ, ఫుల్ రొమాంటిక్ మూడ్లో తనని తాను మైమరచిపోయాడు. శ్రీదేవి కూడా సందర్భోచితంగా ఆ కౌగిలిని ఆస్వాదిస్తున్నట్లు ఫీలింగ్ ఇచ్చింది. ఇందుకు సంబంధించిన ప్రోమో నెట్టింట వైరల్గా మారింది.