సుమ అడ్డా షోలో ఏ వారం టాలీవుడ్ హల్క్ గా పేరు తెచ్చుకున్న రానా దగ్గుబాటి అలాగే పరేషాన్ మూవీ టీమ్ నుంచి తిరువీర్, పావని, రూపక్ వచ్చి సందడి చేశారు. ఐతే ఈ మూవీలో ఒక డైలాగ్ ఉంది కదా "సమోసా తిన్నావా శిరీష" అని "సమోసా సీన్ టైంలో ఏదో ఇన్సిడెంట్ జరిగిందట..ఏంటది" అని అడిగింది సుమ. "అది ఫారెస్ట్ ఏరియా. నేను పావని కూర్చుని డైలాగ్ ప్రాక్టీస్ చేస్తున్నాము. ఇంతలో పై నుంచి ఒకతను వెళ్తూ వెళ్తూ బండి ఆపేసి ఏమిటి ఇక్కడున్నారు..ఇక్కడ నిన్న పులి తిరిగింది అన్నాడు. అంతే మాకు చాలా భయమేసింది.

అప్పుడు మా వెనకాల చెట్లు కదిలినా, పేపర్ సౌండ్ వచ్చిన, బాటిల్ సౌండ్ వచ్చిన, మనిషి సౌండ్ వచ్చినా..వెనక్కి చూసి లేదు, పులి కాదు అనుకుంటూ పులి వస్తుందా, రాదా అనే భయంలో షూట్ చేసిన సీన్ అది." అని చెప్పాడు తిరువీర్ . "అలాగే మందు కూడా రియల్ గా తాగితేనే ఎక్స్ప్రెషన్ రాలేదట.." అని సుమ ఇంకోటి అడిగేసరికి "మందంటే రియల్ గా ఒరిజినల్ గా లోపల నుంచి తీసుకొచ్చి కొంచెం మూతలో పోసి నాలుక మీద పోశారు..నా నాలుక మొత్తం మండిపోయింది" అని తిరువీర్ చెప్పేసరికి "మీకు అర్ధమవుతోందా అంత మండేదాన్నే ఎందుకు అందరూ తాగుతారు" అని సుమ రివర్స్ లో అడిగింది. "గుండె మంట చల్లారుతుంది కాబోలు" అని చెప్పాడు. "గుండె మంట చల్లారితే పర్లేదు ఏకంగా గుండె చల్లారిపోతుందేమో ఏదో ఒక రోజు అని నా డౌట్" అంది సుమ. "సంక్రాంతి అంటే మీకేం గుర్తొస్తుంది" అంటూ తిరువీర్ ని పావనిని అడిగేసరికి "మూడు రోజులు ధూందాంగా చుట్టాల ఇంట్లో జరుపుకోవాల్సిందే. రొట్టెలు, భక్ష్యాలు, కోడి కూర ఇవి తప్పనిసరి. ప్రతీ సంవత్సరం ఫుల్ ఎంజాయ్ చేస్తాం" అని చెప్పారు.