ఈ వారం ఉగాది పర్వదినాన్ని పురస్కరించుకుని స్టార్ మాలో "మా ఇంటి పండగ" పేరుతో మంచి షో ప్రసారమయ్యింది. ఇందులో టేస్టీ తేజ వాళ్ళ అమ్మకు ఒక పెద్ద సర్ప్రైజ్ ఇచ్చాడు. తేజ బిగ్ బాస్ సీజన్ 7 లో కంటెస్టెంట్ అన్న విషయం తెలిసిందే. ఐతే బిగ్ బాస్ నుంచి బయటకు వచ్చేవరకు కూడా తాను ఒక్కసారి కూడా వాళ్ళ అమ్మను బిగ్ బాస్ హౌస్ లోకి తీసుకెళ్లలేకపోయానే అని ఫీలవుతున్నాడు. వాళ్ళ అమ్మ కూడా అలాగే ఫీలయ్యిందట. ఐతే ఆ విషయాన్ని బిగ్ బాస్ హోస్ట్ నాగార్జునకు చెప్పేసరికి మంచి అకేషన్ లో కలుద్దాం అన్నారట. ఇప్పుడు తనను కలవడానికి వచ్చి ప్రత్యేకంగా కలిసి వెళ్లిపోయారని తేజ చెప్పాడు. షోకి తీసుకెళ్లలేకపోయినా నాగ్ సర్ ని కలవడం తనకు ఎంతో సంతోషంగా అనిపించింది అని అది కూడా ఉగాది రోజున కలవడం ఇంకా సంతోషంగా ఉందన్నారు.

బిగ్ బాస్ హౌస్ లోకి వెళ్ళడానికి ఒక చీర కొనుక్కుందట వాళ్ళ అమ్మ కానీ హౌస్ లోకి వెళ్లే ఛాన్స్ రాకపోవడంతో కట్టుకోలేకపోయిందని కానీ ఇప్పుడు కట్టుకుంది అని నాగార్జునకు చెప్పి ఎంటర్టైన్ చేసాడు. బిగ్ బాస్ ఐపోయి నాలుగు నెలలు గడిచిపోయినా స్టార్ మా వాళ్ళు ఇలా నాగార్జున గారిని కలిసే ఏర్పాటు చేయడం ఆనందంగా ఉందని ఇలాంటి పెద్ద గిఫ్ట్ అమ్మకు ఇవ్వలేను అని చెప్పాడు తేజ. "టేస్టీ తేజకు అమ్మైనందుకు మీకు ఎంత ఆనందంగా ఉంది" అని శ్రీముఖి అడిగేసరికి "వాడేమన్నా రవితేజనా, వరుణ్ తేజానా ఆనంద పడడానికి జస్ట్ టేస్టీ తేజ" అని తేజ వాళ్ళ అమ్మ చెప్పిన ఆన్సర్ కి అందరూ నవ్వేశారు. తేజ సోషల్ మీడియాలో ఫుల్ వైరల్ అవుతూ ఉంటాడు. బిగ్ బాస్ హౌస్ కి వెళ్లొచ్చాక బాగా ఫేమస్ ఐపోయాడు. మూవీ ప్రొమోషన్స్ తో ఫుల్ బిజీ ఉన్నాడు.