English | Telugu
'ఫినాలే'లో ఊహించని గిఫ్ట్! దుఃఖాన్ని ఆపుకోలేకపోయిన మోనాల్!
Updated : May 25, 2021
గతేడాది బిగ్ బాస్ షో పూర్తయిన తరువాత ఆ షోకి బదులుగా ఓంకార్ 'డాన్స్ ప్లస్' షోను మొదలుపెట్టాడు. ఆరుగురు జడ్జిలతో సరికొత్తగా ఈ షోను డిజైన్ చేశారు. ఇందులో బిగ్ బాస్ బ్యూటీ మోనాల్ గజ్జర్ ను తీసుకోవడంతో అందరూ షాకయ్యారు. కొరియోగ్రాఫర్లను తీసుకోవాల్సిన స్థానంలో ఆమెని ఎలా తీసుకుంటారనే విమర్శలు వినిపించాయి. కేవలం గ్లామర్ షో కోసం ఆమెని తీసుకొని ఉంటారనే కామెంట్స్ చేశారు.
ఏదైతేనేం మోనాల్ గ్లామర్, ఆమె ఎమోషన్ షోకి బాగానే కలిసొచ్చింది. ఫైనల్ గా ఈ షో ముగిసిపోయింది. అందరూ భావించినట్లుగానే సంకేత్ సహదేవ్ విజేతగా నిలిచాడు. శేఖర్ మాస్టర్ చేతుల మీదుగా ట్రోఫీ అందుకున్నాడు. అయితే ఈ షోను మోనాల్ ఇంట్లో చిల్ అవుతూ చూసింది. ఫినాలే ఆదివారం నాడు మొదలైనప్పటికీ షూటింగ్ ముందే పూర్తయి ఉంటుంది. అలా మోనాల్ తన ఇంట్లో కూర్చొని బీర్ తాగుతూ షోని వీక్షించింది.
మోనాల్ వ్యక్తిగత జీవితం గురించి అందరినీ తెలిసిందే. బిగ్ బాస్ ఇంట్లో ఉన్న సమయంలో చాలా సార్లు తన ఫ్యామిలీ విషయాలు చెప్పింది. చిన్న తనంలోనే తండ్రిని కోల్పోవడం గురించి మోనాల్ ఇదివరకు చాలా సార్లు చెప్పింది. ఈ ఫినాలే ఎపిసోడ్ లో మోనాల్ కు ఎప్పటికీ గుర్తుండిపోయే గిఫ్ట్ ఇచ్చాడు ఓంకార్. తండ్రి తన భుజంపై చేయివేసి నిల్చున్నట్లుగా వేసిన పెయింటింగ్ ను గిఫ్ట్ గా ఇవ్వడంతో మోనాల్ ఎమోషనల్ అయింది.వస్తున్న దుఃఖాన్ని ఆపుకోలేక ఏడ్చేసింది.