స్టార్ మా టీవీలో ప్రసారమవుతున్న సీరియల్ 'కృష్ణ ముకుంద మురారి'. ఈ సీరియల్ మంగళవారం నాటి ఎపిసోడ్ -182 లో.. నాపై మురారి చూపించే ప్రేమ త్యాగం మాత్రమే, నా స్థానంలో ఎవరున్నా ఏసీపీ సర్ అలాగే చేసేవారు. మా నాన్నకి ఇచ్చిన మాట కోసం మాత్రమే ఏసీపీ సర్ పెళ్లి చేసుకున్నాడని కృష్ణ తన మనసులో అనుకుంటుంది.

మరొకవైపు అలేఖ్య, మధు హాల్లో కూర్చుని ఉంటారు. అప్పుడే ముకుంద కిందకి వస్తుంది. కృష్ణ కాలికి మురారి మెట్టెలు తొడిగాడట కదా అని అలేఖ్య ముకుందతో అంటుంది. కృష్ణ భార్య కాబట్టి మురారి మెట్టెలు తొడిగాడని మధు అంటాడు. ముకుంద మాత్రం సైలెంట్ గా ఉంటుంది. ఆ తర్వాత నువ్వు ఎవరినైనా ప్రేమించావా ముకుంద అని అలేఖ్య అడుగుతుంది. ఇదేంటి కావాలని అడుగుతుందా.. ఇప్పటికే నోరు జారి రేవతి అత్తయ్యకి నిజం చెపితే నాతో ఆడుకుంటుందని ముకుంద మనసులో అనుకుని.. నేను చదువుకోవడానికి వెళ్ళాను.. లవ్ చేసేంత టైమ్ నాకు లేదని అనేసి అక్కడ నుండి వెళ్ళిపోతుంది. మరి మురారిని లవ్ చేసేంత టైమ్ ఉందా అని అలేఖ్య అనుకుంటుంది.

ఆ తర్వాత రేవతి, మధు దగ్గరికి వెళ్లి పంతులిని పిలుచుకొనిరా అని చెప్తుంది. కాసేపటికి మురారికి రేవతి కాల్ చేసి ఇంట్లో హోమం చేస్తున్నాం.. నువ్వు, కృష్ణ పూజలో కూర్చోవాలి. దానికి సంబంధించిన లిస్ట్ పంపిస్తున్నాను. మీరిద్దరూ తీసుకొని రావాలని రేవతి చెప్తుంది. దానికి మురారి సరే అంటాడు. ఏమైంది ఏసీపీ సర్ అని కృష్ణ అడుగుతుంది. ఇంట్లో హోమం చేస్తారట, అది కూడా మనమే చెయ్యాలని మమ్మీ చెప్పిందని కృష్ణతో మురారి అంటాడు. ఎందుకో అత్తయ్య నాలుగు రోజుల నుండి వింతగా ప్రవర్తిస్తున్నారని కృష్ణ అంటుంది. మమ్మీకి మన గురించి తెలిసిందని ఎలా చెప్పాలి కృష్ణ అని మురారి తనలో తానే అనుకుంటాడు.

మరొకవైపు పంతులు గారు ఇంటికి వచ్చి.. ఇంట్లో వాళ్ళతో మాట్లాడుతాడు. అప్పుడే మురారి ఇంటికి వస్తాడు. మురారి కూర్చొని ఉండగా, కృష్ణ నిల్చొని ఉంటుంది. దంపతులిద్దరు దూరం దూరం ఉన్నారు అందుకేనా ఈ హోమం అని పంతులు అంటాడు. అదేం లేదు మీరు వాళ్ళిద్దరని ఆశీర్వదించండని రేవతి అనగానే.. కృష్ణ, మురారి ఇద్దరు పంతులు గారి దగ్గర ఆశీర్వాదం తీసుకుంటారు. ఆ తర్వాత కృష్ణ, మురారి హోమం గురించి ఆలోచిస్తుంటారు.

హోమం ఎలా ఆపాలని మురారి అనగానే.. హోమం ఎందుకు ఆపాలని చూస్తున్నారు, అయినా తన మనసులో వేరే అమ్మాయి ఉంది కదా.. నేను ఇక్కడ ఉన్నన్ని రోజులు ఏసీపీ సర్ తో ఎక్కువ జ్ఞాపకాలు ఉండేలా చేసుకుంటానని కృష్ణ అనుకుంటుంది. నాకే ఒంట్లో బాలేదని రేవతి అత్తయ్యకి చెప్పి హోమం ఆగేలా చెయ్యాలా అని కృష్ణ అనగానే.. కృష్ణ మనసులో నేను లేను కనుకే ఇలా అంటుందని మురారి అనుకుంటాడు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.