ఏంజిల్ ఆసియా, నూకరాజు.. జబర్దస్త్ ద్వారా వెలుగులోకి వచ్చారు. తన కామెడీ టైమింగ్ ద్వారా నూకరాజు మంచి ఫ్యాన్ బేస్ సంపాదించుకున్నాడు. అయితే నూకరాజు, ఆసియా కలిసి లివింగ్ రిలేషన్ లో ఉన్న విషయం అందరికీ తెలిసిందే. అయితే వీరిద్దరు కలిసి జబర్దస్త్ స్టేజ్ పై తమ కామెడీ పంచ్ లతో నవ్వులు పూయిస్తున్నారు. పటాస్ షో ద్వారా నూకరాజు, ఆసియా పరిచయమైన విషయం తెలిసిందే. వీరిద్దరు మొదటి నుంచి మంచి స్నేహితులు. ఆ పరిచయం కాస్త ప్రేమగా మారింది.

బుల్లితెరపై జబర్దస్త్ షో ఎంతగా పాపులారిటీ సంపాదించిందో అందరికి తెలిసిందే. అయితే ఈ షోలో తమ కామెడీతో ఆకట్టుకొని సినిమా అవకాశాలు పొందిన వారు చాలానే ఉన్నారు. అయితే ఇప్పుడు జబర్దస్త్ లోకి కొత్త టీమ్స్ వచ్చేసాయి. అందులో నూకరాజు, ఇమాన్యుయల్, పాగల్ పవిత్ర, వర్ష, ఆసియా లాంటి వాళ్ళు తమ కామెడీతో రాణిస్తున్నారు. అయితే జబర్దస్త్ కి సాదాసీదా ఆర్టిస్ట్ గా వచ్చిన నూకరాజు.. అన్నిరకాల హావభావాలు పండిస్తూ ప్రేక్షకుల హృదయాలను గెలుచుకున్నాడు. ఆసియా, నూకరాజు కలిసి జబర్దస్త్ స్టేజ్ మీద సూపర్ హిట్ స్కిట్స్ చేస్తూ ప్రేక్షకుల నుండి ప్రశంసలు పొందుతున్నారు. జబర్దస్త్ ప్రోమో కింద కామెంట్లలో కూడా వీరిద్దరి కామెడీ సూపర్ అంటూ ఫ్యాన్స్ చెప్తున్నారు. నూకరాజు, ఆసియా కలిసి ఏ రేంజ్ లో తమ కామెడీతో ఆకట్టుకుంటున్నారో దీన్ని బట్టి తెలుస్తుంది.

నూకరాజు, ఏంజిల్ ఆసియా కలిసి రెగ్యులర్ వ్లాగ్ లు చేస్తూ తమ 'ఏంజిల్ ఆసియా' యూట్యూబ్ ఛానెల్ లో అప్లోడ్ చేస్తున్నారు. తాజాగా వీరిద్దరు కలిసి చేసిన వ్లాగ్స్ కి యూట్యూబ్ లో అత్యధిక వ్యూస్ వస్తున్నాయి. నూకరాజు కోసం వైజాగ్ వెళ్ళి సర్ ప్రైజ్ చేసిన ఆసియా అని ఒక వ్లాగ్, ఇద్దరు కలిసి కెఎఫ్ సి చేస్తే హిట్ ఆర్ ప్లాఫ్ అని మరో వ్లాగ్, నూకరాజు పడుకున్నాక ఏం చేసానో తెలుసా వ్లాగ్,  'ఎంగేజ్మెంట్ కోస‌ం రెడీ అయ్యాము' అంటూ వ్లాగ్ అప్లోడ్ చేసారు. తాజాగా నూకరాజు, ఆసియా కలిసి ఇన్ స్టాగ్రామ్ లో ఒక రీల్ ని పోస్ట్ చేశారు. " అమ్మాయిలు ఇది గుర్తుపెట్టుకోండి. మీరు ఎంత అందమైన అమ్మాయి అయినా పెళ్ళి తర్వాత పిల్లల ముడ్డి కడగాల్సిందే" అని నూకరాజు చేయగా.. దానికి  ఆసియా నవ్వుతూ నేను చేస్తానులే అన్నట్టు హావభవాలు పలికించింది. కాగా ఇప్పుడు ఈ వీడియోకి విశేష స్పందన లభిస్తుంది. మొన్న నూకరాజుకి తెలియకుండా ఆసియా చేసిన ఫ్రాంక్ వీడియో వైరల్ అయిన విషయం తెలిసిందే. కాగా ఇప్పుడు నూకరాజు, ఆసియా కలిసి మరో కొత్త రీల్ తో ఆకట్టుకుంటున్నారు.