స్టార్ మా టీవీలో ప్రసారమవుతున్న సీరియల్ 'గుప్పెడంత మనసు'. ఈ సీరియల్ గురువారం నాటి ఎపిసోడ్ -1030 లో... అనుపమ గురించి మను టెన్షన్ పడుతుంటే.. తనకేం కాదంటూ మహేంద్ర ధైర్యం చెప్తాడు. మీరిద్దరు తల్లి కొడుకులనే విషయం ఎందుకు దాచారని మహేంద్ర అడుగుతాడు. ఆ తర్వాత ఎన్నోసార్లు అత్తయ్యని అడిగాను.. ఏం సమాధానం చెప్పలేదని ఏంజిల్ అంటుంది. ఇందాక మీ పీఏ వచ్చి జరిగింది మొత్తం చెప్పారు. ఒక మాట మీరు నిజం చెప్పి ఉంటే పరిస్థితి ఇంతవరకు వచ్చి ఉండేది కాదేమోనని వసుధార అంటుంది.

ఆ తర్వాత అందరు అలా అడిగేసరికి.. మను ఎమోషనల్ అవుతాడు. అవును మేమ్ తల్లి కొడుకులమే.. ఆవిడా నా కన్నతల్లి అని మను చెప్తాడు. నన్ను ఏ లోటు రాకుండా పెంచిందని అనుపమ గురించి మను గొప్పగా చెప్తాడు. నేను తనకి ఒక మాట ఇచ్చాను. తనే మాట తీసుకుంది కానీ ఈ రోజు మాట తప్పాను. తను లేకుంటే ఈ రోజు నేను ఉండేవాణ్ణి కాదు కదా.. తన ప్రాణాలకి తెగించి మరి ఈ రోజు నన్ను కాపాడిందని మను ఎమోషనల్ అవుతాడు. ఇంత బాధని దిగమింగుకొని మాములుగా ఉన్నావని మహేంద్ర అంటాడు. కానీ నన్ను వెంటడే ఒక ప్రశ్నతో చాలా బాధపెట్టానని మను అంటాడు. ఆ తర్వాత అనుపమ స్పృహలోకి రాగానే.. అందరు లోపలికి వెళ్తారు. కానీ మను మాత్రం బయటే ఉంటాడు.

ఆ తర్వాత మహేంద్ర, వసుధారలు అనుపమ దగ్గరికి వెళ్లి మాట్లాడతారు. ఏంజిల్ కూడా వెళ్తుంది. ఆ తర్వాత మీ కొడుకు కోసం దైర్యం చేసి తన ప్రాణాలు కాపాడావని మహేంద్ర అంటాడు. వసుధార, ఏంజిల్ లు మనుని అనుపమ దగ్గరికి పంపిస్తారు. అనుపమతో మను మాట్లాడుతు ఎమోషనల్ అవుతాడు. ఆ తర్వాత మహేంద్రకు ఫణీంద్ర ఫోన్ చేసి అనుపమ గురించి అడిగి తెలుసుకుంటాడు. అసలు అనుపమ కొడుకు మను ఏంటని అడుగుతాడు. మాకు ఇన్ని రోజులు ఏం తెలియదని మహేంద్ర అంటాడు . ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.