స్టార్ మా టీవీలో ప్రసారమవుతున్న సీరియల్ 'గుప్పెడంత మనసు'. ఈ సీరియల్ మంగళవారం నాటి ఎపిసోడ్ -1028 లో... ఇన్ని రోజులు మీరు మాకు సపోర్ట్ గా ఉన్నారు.. గొప్పవారు అనుకున్నా కానీ ఇలాంటివి చేస్తారని అనుకోలేదని వసుధార అంటుంది. కనీసం మీరైనా నేను చెప్పింది వినండని వసుధారతో మను అంటాడు. మీరు చెప్పాల్సిన అవసరం ఏం లేదు మీరు వెళ్లిపోండి అని వసుధార అనగానే మను వెళ్ళిపోతాడు. సారీ అమ్మ అని అనుపమ అనగానే.. మీరెందుకు సారీ చెప్తున్నారని వసుధార అంటుంది. అంటే నువ్వు తన గురించి చెప్పినప్పుడు మేమ్ నమ్మలేదు కదా అని అనుపమ అంటుంది.

ఆ తర్వాత అనుపమ చింపేసిన పోస్టర్ శైలేంద్ర అతికిస్తూ ఈ రోజుతో నీ చాప్టర్ క్లోజ్ అని మను ఫోటో చూస్తు అనుకుంటాడు. ఆ తర్వాత రాజీవ్ కి ఫోన్ చేసి విషయం చెప్పాలని శైలేంద్ర అనుకుంటాడు కానీ రాజీవే ముందు చెప్తాడు. నీకెలా తెలుసని శైలేంద్ర అడుగుతాడు. ఇలాంటివి తెలుసుకోవడమే నా పని కదా అంటు రాజీవ్ అంటాడు. ఆ తర్వాత ఆ మను గాని పీడపోయిందని ఇద్దరు హ్యాపీగా ఫీల్ అవుతారు. ఆ తర్వాత రౌడీకి ఫోన్ చేసి.. నువ్వు ఆ మనుని ఏం చెయ్యకని శైలేంద్ర రౌడీతో అంటాడు. మీరు ఒకసారి పని అప్పజెప్పాక వదలనని రౌడీ చెప్తాడు. ఆ తర్వాత మను వెళ్ళిపోతుంటే మహేంద్ర ఎదురు పడి.. నేను రిషి కోసం ఈ కంకనమ్ తీసుకున్నాను కానీ నువ్వు పరిచయం అయ్యి మాకు చాలా సపోర్ట్ గా ఉన్నావ్. అందుకే నీకు ఇవ్వాలని అనుకుంటున్నానని అనగానే వద్దని మను అంటాడు. నేను వెళ్లిపోతున్నా సర్ అని మను అనగానే.. ఎక్కడికి అని మహేంద్ర అడుగుతాడు.

ఆ తర్వాత మను వెళ్లిపోతుంటే రౌడీ వెనకాలే కత్తి పట్టుకొని వస్తాడు. అది చూసిన అనుపమ.. మను అంటూ పిలుస్తూ మనుకి అడ్డుగా వస్తుంది. కత్తి అనుపమ కడుపులో దిగుతుంది. అమ్మ అంటు అనుపమని మను పిలుస్తాడు. దాంతో వసుధార, మహేంద్ర ఇద్దరు షాక్ అవుతారు. వెంటనే అనుపమని హాస్పిటల్ తీసుకొని వెళ్తారు. మను అనుపమ కొడుకా అని శైలేంద్ర అనుకుంటాడు. ఆ తర్వాత అనుపమ, మనుకి మధ్య జరిగిన గొడవని మను గుర్తుకుచేసుకుంటాడు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.