నిన్న జరిగిన బిగ్ బాస్-6 ఎపిసోడ్ సరికొత్త ఎంటర్‌టైన్మెంట్ ఇచ్చిందనే చెప్పాలి. అయితే ఇప్పటివరకు జరిగిన బిగ్ బాస్ అన్ని సీజన్లలో ఉన్న కంటెస్టెంట్స్ మళ్ళీ బిగ్ బాస్ హౌస్ లోకి జోడిలుగా రాబోతున్నారు. అందులో‌ నిన్న కొందరు వచ్చారు. దీంతో హౌస్ లో‌ వినోదం డబుల్ అయ్యింది.

హౌస్ లోకి మొదటగా రోల్ రైడా వచ్చాడు. వచ్చి రాగానే మచ్చా అంటూ రేవంత్ కి హాగ్ ఇచ్చాడు. ఆ తర్వాత అందరితో మాట్లాడాడు. రోల్ రైడా, రేవంత్ కలిసి డ్యాన్స్ చేసారు. హౌస్ మేట్స్ కి చిన్న ఛాలెంజ్ పెట్టి.. అందులో గెలిచిన వారికి సర్ ప్రైజ్ ఉంటుందని చెప్పాడు. అందులో కీర్తి గెలిచింది. దీంతో రోల్ రైడా ఒక బర్గర్ ఇచ్చాడు కీర్తీకి. కాసేపు హౌస్ మేట్స్ తో మాట్లాడి బయటకొచ్చేసాడు. ఆ తర్వాత హౌస్ లోకి మెహబూబ్, అషు రెడ్డి జంటగా వచ్చారు. ఇక హౌస్ మేట్స్ తో కలిసి కాసేపు డ్యాన్స్ చేశారు. ఆ తర్వాత కబుర్లు చెప్పుకున్నారు. ఇక టైం అయిపోయిందని బయటకు పంపించేసాడు బిగ్ బాస్.

ఆ తర్వాత 'కన్నెపిట్టరో.. కన్ను కొట్టరో' పాటకి డ్యాన్స్ చేస్తూ ముక్కు అవినాష్ హౌస్ లోకి ఎంట్రీ ఇచ్చాడు. అవినాష్ తర్వాత అరియాన వచ్చింది. వీళ్ళిద్దరు వేరే లెవల్ పర్ఫామెన్స్ ఇచ్చారు. మస్త్ ఆట, పాటలతో వినోదాన్ని పంచారు. ఆ తర్వాత యాంకర్ కృష్ణచైతన్య, RJ కాజల్ వచ్చారు. మొదట డ్యాన్స్ చేసి, తర్వాత కంటెస్టెంట్స్ తో సరదగా గడిపారు. ఆ తర్వాత సీరియల్ యాక్టర్ రవికిరణ్, యాంకర్ భాను వచ్చారు. ఆ తర్వాత 'బుజ్జిగాడు బజ్జీలు తిని బుజ్జిగా బజ్జున్నాడు‌' దీన్ని మూడు సార్లు ఆపకుండా, తడబడకుండా రిపీట్ చేయమని చెప్పాడు రవికిరణ్. రోహిత్ రెండు సార్లు బాగానే రిపీట్ చేసాడు.. కానీ మూడవ సారి మిస్టేక్ చెప్పాడు. ఆ తర్వాత శ్రీహాన్ కూడా ఇలాగే మరొకటి రిపీట్ చేసాడు. కీర్తి యూ ఆర్ స్ట్రాంగ్ అని భాను చెప్పింది. 'ఆరు ఎర్ర లారీలు, నాలుగు నల్ల లారీలు' రిపీట్ చేసింది కీర్తి. అలా రిపీట్ చేస్తూ అన్నీ తప్పులుగా చెప్తుంటే భాను హెల్ప్ చేసింది. దీంతో కీర్తి కంటే భానునే ఎక్కువ చేసింది. "ఇది నీకు ఇచ్చిన టాస్క్ లా లేదు. మాకు ఇచ్చిన పనిష్మెంట్ లా ఉంది" అని అంది.