స్టార్ మా టీవీలో ప్రసారమవుతున్న సీరియల్ 'ఎటో వెళ్లిపోయింది మనసు'(Eto Vellipoyindhi Manasu).ఈ సీరియల్ మంగళవారం నాటి ఎపిసోడ్ -355 లో.....శ్రీలత రామ్ బాధపడేలా మాట్లాడుతుంది దాంతో రామ్ జరిగింది మొత్తం రామలక్ష్మి, సీతాకాంత్ లకి చెప్తాడు. రామలక్ష్మి రామ్ ని తీసుకొని శ్రీలత దగ్గరికి వెళ్తుంది. మీరు అసలు మనుషులేనా ఒక పసివాడి మనసు ఎంత సున్నితంగా ఉంటుందో తెలియదా.. రామ్ బాధపడేలా ఎందుకు మాట్లాడారంటూ రామలక్ష్మి నిలదీస్తుంది.‌ ప్రొద్దంతా కష్టపడి వచ్చి రాత్రంతా తన భార్యని తల్చుకొని బాధపడుతుంటే ఎలా చూస్తూ ఊరుకుంటాను.. వాడు హ్యాపీగా ఉంటేనే కదా అందరం బాగుండేది.. వాడు పెళ్లి చేసుకోవాలని అలా మాట్లాడానని శ్రీలత అంటుంది.

రామ్ ప్రతీసారీ నాన్న నాన్న అంటూ పిలుస్తుంటే ఎవరు సీతాని పెళ్లి చేసుకోవడానికి ముందుకొస్తారని శ్రీలత అంటుంది. ఇప్పుడు నాకు పెళ్లి చేసుకోవాలని లేదని సీతాకాంత్ అంటాడు. నువ్వు పెళ్లి చేసుకుంటే నీకు తోడు వస్తుంది.. ఇంకా రామ్ ని బాగా చూసుకుంటుంది. నీకు అంతలా రామ్ పై ఇష్టం ఉంటే సీతాని పెళ్లికి ఒప్పించమని రామలక్ష్మితో శ్రీలత అంటుంది. రామ్ ని నిన్ను ఈ కుటుంబాన్ని ప్రేమగా చూసుకునే అమ్మాయి ఇక్కడే ఉంది తనే రమ్య అని శ్రీలత అనగానే.. అందరు షాక్ అవుతారు. అవును సీతా సర్ మీరంటే నాకు చాలా గౌరవం.. ఇష్టం అని రమ్య అంటుంది. అదంతా విని రామలక్ష్మి బాధపడుతుంది.

ఈ పెళ్లికి ఒప్పుకోమని సీతాకాంత్ తో శ్రీలత అంటుంది. సీతాకాంత్ తో సీఐ ఫోన్ లో మాట్లాడింది గుర్తు చేసుకుంటాడు. నేను లండన్ వెళ్ళాలి. మీరు త్వరగా ఆ రియల్ ఎస్టేట్ రంగా కేసు క్లోజ్ చెయ్యండి అని సీఐతో రామలక్ష్మి చెప్తుంది. ఆ విషయం సీతాకాంత్ తో సీఐ చెప్తాడు. ఆ విషయం సీతాకాంత్ గుర్తుచేసుకొని ఇప్పుడు ఈ పెళ్లికి ఒప్పుకుంటే త్వరగా రామలక్ష్మినో మైథిలీనో తేలిపోతుందని సీతాకాంత్ అనుకుంటాడు. ఈ పెళ్లికి నేను ఒప్పుకుంటున్నానని సీతాకాంత్ అనగానే రామలక్ష్మి షాక్ అవుతుంది. ఆ తర్వాత రామలక్ష్మి ఇంటికి వెళ్లి ఫణీంద్ర, సుశీల ఇద్దరికి అక్కడ జరిగింది మొత్తం చెప్తుంది. సీతాకాంత్ బాబు గురించి తన భవిష్యత్తు గురించి ఒప్పుకున్నాడు. నువ్వు కోరుకుంది కూడా అదేగా అని ఫణీంద్ర అంటాడు. అవును అని రామలక్ష్మి అంటుంది. ఆ తర్వాత రామ్ ని తీసుకొని శ్రీలత దగ్గర వస్తుంది రమ్య. సారీ నాన్న ఇంకా థాంక్స్ కూడా.. మీ నాన్న పెళ్లి చేసుకుంటే అందరం హ్యాపీగా ఉండొచ్చని రామ్ తో శ్రీలత అంటుంది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.