స్టార్ మా టీవీ లో ప్రసారమవుతున్న సీరియల్ ' ఎటో వెళ్ళిపోయింది మనసు'. ఈ సీరియల్ బుధవారం నాటి ఎపిసోడ్ -21 లో.. సీతాకాంత్ రెడీ అయి కార్ దగ్గరకి వస్తాడు. రామలక్ష్మి డ్రైవర్ డ్రెస్ లో రెడీగా ఉంటుంది. నువ్వు డ్రైవర్ డ్రెస్ వేసుకోవాల్సిన అవసరం లేదు‌. నార్మల్ గా ఉండండి అని సీతాకాంత్ చెప్తాడు. ఆ తర్వాత కార్ ఎక్కి ఇద్దరు మాట్లాడుకుంటారు. మీ కండిషన్స్ కి ఎందుకు ఒప్పుకున్నానో తెలుసా.. మీరు ఫ్యామిలీ గురించి ఆలోచించడం నాకు బాగా నచ్చిందని సీతాకాంత్ అంటాడు.

ఆ తర్వాత మీరు కూడా బాగా నచ్చారు. మీరు మీ మదర్ కి ఇచ్చే గౌరవం నాకు చాలా నచ్చిందని రామలక్ష్మి అంటుంది. మన ఇద్దరిలో కామన్ క్వాలిటీ ఒకటి ఉంది. మనమిద్దరం ఫ్యామిలీకీ ఇంపార్టెన్స్ ఇస్తామని రామలక్ష్మి అంటుంది. వాళ్ళ అలా మాట్లాడుకోవడం చూసిన పెద్దాయన.. డ్రైవర్, పిఏలతో ముందున్న అమ్మాయిని వెనకాలకి పంపించాలని అంటాడు. ఆ తర్వాత స్పెషల్ క్లాస్ కి వెళ్తున్నావా అని సీతాకాంత్ అడుగుతాడు. రోజు ఈవినింగ్ వెళ్తున్నానని రామలక్ష్మి అంటుంది. ఇప్పుడు నన్ను ఆఫీస్ లో డ్రాప్ చేసాక ఖాళీగా ఉంటావ్ కదా.. చదువుకోవడానికి ఏర్పాటు చేస్తానని సీతాకాంత్ అంటాడు. అయిన మీకు నా చదువుపై ఎందుకు అంత ఇష్టమని రామలక్ష్మి అడుగుతుంది. చదువుకోవాలన్న నీ సంకల్పం నాకు బాగా నచ్చిందని సీతాకాంత్ అంటాడు. ఆ తర్వాత శ్రీలతకి వినిపించేలా కావాలనే తనని రెచ్చగొట్టేలా పనిమనిషితో శ్రీలత మాట్లాడుతుంది. అది విని శ్రీలత కోపంగా శ్రీవల్లిని పిలుస్తుంది. మీరు కోపంగా మాట్లాడిన సరే ఈ రోజు మీ సవతి కొడుకు మీ మాట విన్నాడా అని శ్రీవల్లి అనగానే.. సీత ఏంటో నాకు తెలుసు.. ఏం చెయ్యాలో కూడా నాకు తెలుసని శ్రీలత చెప్పేసి వెళ్ళిపోతుంది.

ఆ తర్వాత ఆఫీస్ కి వెళ్ళాక ఒక అమ్మాయి సీతాకాంత్ కి మైక్ లో చెప్తు ప్రపోజ్ చేస్తుంది. అది విని సీతాకాంత్ వెళ్లి తనని జాబ్ లో నుండి తీసేస్తాడు. ఆ తర్వాత రామలక్ష్మికి చదువుకోవడానికి ఒక రూమ్ ఏర్పాట్ చేసి అక్కడకి వెళ్లి చదువుకోమని చెప్తాడు. మరొకవైపు ధన ఫోన్ లిఫ్ట్ చెయ్యడం లేదని సిరి టెన్షన్ పడుతుంది. తన ఫ్రెండ్స్ ని ధన కన్పించాడా అని సిరి అడుగుతుంది. ఆ తర్వాత ధనకి ఎదురుగా సిరి వెళ్లిన ధన పట్టించుకోకుండా వెళ్తాడు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.