యాంకర్ రవి సోషల్ మీడియాలో ఎంత యాక్టివ్ గా ఉంటారో అందరికీ తెలిసిందే. తన భార్య, కూతురితో కలిసి రవి చేసే అల్లరి మాములుగా ఉండదు. ముఖ్యంగా రవి కూతురు వియా ముద్దుముద్దు మాటలకు అందరూ మురిసిపోతుంటారు. ఈ మధ్యకాలంలో రవి తన యూట్యూబ్ ఛానెల్ పై ఎక్కువగా దృష్టి పెడుతున్నాడు. సరికొత్త కాన్సెప్ట్ లతో ప్రేక్షకులను ఎంటర్టైన్ చేయడానికి ప్రయత్నిస్తున్నాడు. 

తన ఫ్యామిలీతో స్పెషల్ వీడియోలు చేస్తూ వాటిని యూట్యూబ్ లో అప్లోడ్ చేస్తున్నాడు. తాజాగా వియాతో ఓ స్పెషల్ వీడియోను చేశారు. వియా తన అమ్మా, నాన్నలను ఇంటర్వ్యూ చేస్తుంది. అలా వియా అడిగిన ప్రశ్నలకు రవి, నిత్య ఇద్దరూ సమాధానాలు చెప్పారు. ఇందులో రవి తనకు ఎలా ప్రపోజ్ చేశాడనే విషయాన్ని నిత్య చెప్పింది. 

రవి తనకొక పెద్ద తొట్టిని గిఫ్ట్ గా ఇచ్చాడంట‌.. అందులో అంతా మట్టి ఉందని.. వారం రోజులు నీళ్లు పోస్తూ ఉండమని రవి చెప్పాడట. నిత్య అలానే చేస్తూ ఉండగా.. వారం రోజుల తరువాత అసలు విషయం తెలిసిందని నిత్య తెలిపింది. 'ఐ లవ్ యూ' అనే అక్షరాల రూపంలో ఆ మొక్కలు మొలకెత్తాయని.. ఆ విధంగా రవి తనకు ప్రపోజ్ చేశాడని నిత్య తన ఫ్లాష్‌బ్యాక్ ను గుర్తు చేసుకుంది. ఈ వీడియో చూసిన నెటిజన్లు రవి యూనిక్ ఐడియాను తెగ పొగిడేస్తున్నారు.