బిగ్ బాస్ ప్రేక్షకులను ఎంటర్టైన్ చెయ్యడానికి ఈ సీజన్ సరికొత్తగా ప్రేక్షకుల ముందుకు రానుంది. టెలివిషన్ చరిత్రలో వరల్డ్ బిగ్గెస్ట్ రియాలిటీ షో బిగ్ బాస్. గత కొన్ని సంవత్సరాలగా టెలివిజన్ లో ఒక ట్రెండ్ క్రియేట్ చేస్తూ విజయవంతంగా దూసుకుపోతుంది. టీఆర్పీలో అత్యధిక రేటింగ్ తో ఎంటర్టైన్మెంట్ కి కేరాఫ్ అడ్డాగా మారింది బిగ్ బాస్.

ఈ సీజన్ కి సంబంధించిన సెట్ పనులు, ఇంకా ప్రోమో షూట్ అంతా ఇప్పటికే మొదలైనట్లుగా వార్తలు వినిపిస్తున్నాయి. బిగ్ బాస్ టీం కంటెస్టెంట్ ని అప్రోచ్ అవడం కూడా జరిగిందంట, అందులో కొంతమందిని కన్ఫర్మ్ చెయ్యడం, వాళ్ళతో అగ్రిమెంట్ కూడా పూర్తయినట్లుగా తెలుస్తుంది. ప్రతి కేటగిరి నుండి ఒకరిని సెలెక్ట్ చేస్తూ జరిగే ఈ ప్రక్రియలో.. ఒక రియల్ కపుల్ ని తీసుకుంటున్నారంటూ తెలుస్తుంది. బిగ్ బాస్ సీజన్-7 కి హోస్ట్ గా ఈ సారి కూడా నాగార్జున వ్యవహరిస్తున్నట్లు తెలుస్తుంది. గత సీజన్ కి అవుటింగ్ ఇంటర్వ్యూ చేసిన యాంకర్ శివ ఈ సారి బిగ్ బాస్ హౌస్ లోకి వెళ్తున్నట్టుగా తెలుస్తోంది. బిగ్ బాస్ సీజన్-7కి బిబి కేఫ్ యాంకర్ గా అరియన గ్లోరీ వ్యవహరిస్తుందని తెలుస్తుంది. బిగ్ బాస్ సీజన్-7 కి సంబంధించిన ప్రోమో షూటింగ్ ఈ నెల ఆఖరున మొదలవుతున్నట్లు సమాచారం.

బిగ్ బాస్ సీజన్-7కి సంబంధించిన చాలా అనుమానాలు ప్రేక్షకులల్లో ఉన్నాయి. బిగ్ బాస్ ప్రేక్షకులకు ఎప్పుడు ఎప్పుడు బిగ్ బాస్ స్టార్ట్ చేస్తారా అనే క్యూరియాసిటీ రోజు రోజుకి పెరిగిపోతుంది. అయితే అందరిలో ఉన్న సస్పెన్సు కి తెరతీస్తూ స్టార్ మా ప్రతిష్టాత్మకంగా బిగ్ బాస్ లోగోని విడుదల చేసింది. లోగో గత సీజన్ లో కంటే భిన్నంగా ఉంది. దీంతో బిగ్ బాస్ సీజన్-7 పై అంచనాలు తార స్థాయికి చేరాయనడంలో ఆశ్చర్యం లేదు. భారీ అంచనాల మధ్య సెప్టెంబర్ మొదటి వారంలో ప్రారంభం అవుతున్న ఈ సీజన్ ఎంత మేరకు ఎంటర్టైన్ చేస్తుందో చూడాలి మరి.