శ్రీహాన్.. బిగ్ బాస్ సీజన్‌-6 లో ఫైనల్ వరకు చేరుకొని ఒక్క అడుగు దూరంలో వెనుదిరిగి.. రన్నర్ గా నిలిచాడు. దీంతో శ్రీహాన్ కి క్రేజ్ విపరీతంగా పెరిగింది. బిగ్ బాస్ ముందువరకు శ్రీహాన్ అంటే పెద్దగా ఎవరికి తెలియదు.. ఈ షోతో బాగా ఫేమస్ అయ్యాడు. శ్రీహాన్ నటుడే కాకుండా మంచి సింగర్ కూడా.

బిగ్ బాస్ లో ఉన్నన్ని రోజులు రేవంత్, శ్రీసత్యలతో కలిసి ఉన్న శ్రీహాన్.. ప్రేక్షకులకి కన్నింగ్ మైండెడ్ లా అనిపించేది‌. ప్రతీసారీ ఇనయాని టార్గెట్ చేసి కావాలనే నామినేషన్లలో గొడవలు పెట్టుకున్నాడని స్పష్టంగా తెలిసింది. అయితే మరో పక్క శ్రీసత్యతో లవ్ ట్రాక్ కూడా నడిపాడని అనుకునేవారు లేకపోలేదు. ప్రతిసారీ శ్రీసత్యని హగ్ చేసుకోవడం‌.. గేమ్స్ లో తనకే సపోర్ట్ చేయడం.. మిగతావాళ్ళని శత్రువులను చూసినట్టు చూడటంతో బిగ్ బాస్ చూసే ప్రేక్షకులకి సైతం తెలిసిపోయింది. ఫ్యామిలీ వీక్ లో.. తన గర్ల్ ఫ్రెండ్ సిరి వచ్చినప్పుడు కూడా శ్రీహాన్ కి కొన్ని టిప్స్ చెప్పింది. అందులో శ్రీసత్యతో జాగ్రత్తగా ఉండమని చెప్పింది సిరి.

శ్రీహన్, సిరి ఇద్దరు లవ్ లో ఉన్న విషయం తెలిసిందే. ఇద్దరు కలిసి పలు షార్ట్ ఫిల్మ్స్ లో నటించారు. ఇద్దరు కూడా బిగ్ బాస్ కి వెళ్ళి ఫేమ్ సంపాదించినవాళ్ళే. శ్రీహన్ సోషల్ మీడియాకి కొంచెం దూరంగానే ఉంటాడు. తనకి సంబంధించిన ఏ అప్డేట్ అయినా ఫ్యాన్స్ వరకు వెళ్ళదు. అయితే శ్రీహన్ తాజాగా తన గర్ల్ ఫ్రెండ్ సిరికి మిర్చి బజ్జిలు చేసి ప్రేమతో అందించాడు. ఇలా చేసి ఇవ్వడాన్ని సిరి వీడియో చేసి ఇన్ స్టాగ్రామ్ లో పోస్ట్ చేసింది. ఆ వీడియో లో శ్రీహాన్ బజ్జీలు చేసి సిరికి ఇస్తే.. నాకోసం చేసావా అంటూ హ్యాపీగా ఫీల్ అవుతూ లాగించేసింది.

శ్రీహాన్ సోషల్ మీడియాలో ఎక్కడ కనిపించకుండా.. ఒకేసారి ఇలా బజ్జీలు వేస్తూ కనిపించడంతో.. తనని చూసిన నెటిజన్లు.. "పాపం శ్రీహాన్.. చివరికి బజ్జీలు వేసుకుంటున్నాడా" అంటూ ఫన్నీ కామెంట్లు చేస్తున్నారు. మరి శ్రీహాన్ నెటిజన్ల కామెంట్స్ కి చెక్ పెడుతూ.. ఏదైనా మూవీ అప్డేట్ గురించి తొందరగా చెప్తాడేమో చూడాలి మరి.