అంజలి అత్తోట.. ఈ పేరు ఎవరికి అంతగా తెలిసి ఉండకపోవచ్చు. కానీ అంజలి పవన్ అందరికి సుపరిచితమే. కారణం యాక్టర్ పవన్ ని పెళ్ళి చేసుకొని ఫేమస్ అయింది. టెలివిజన్ రంగంలో తనకంటూ ఒక ప్రత్యేకమైన గుర్తింపు తెచ్చుకుంది. ఒకవైపు యాక్టర్ గా మరొకవైపు యాంకర్ గా కెరీర్‌ ని స్టార్ట్ చేసింది అంజలి పవన్.

మొగలిరేకులు సీరియలో నటించిన అంజలి.. విమర్శకుల ప్రశంసలు పొందింది. ఆ తర్వాత తనకి బోలెడు సినిమాల్లో, టెలివిజన్ రంగంలో ఆఫర్లు వచ్చాయి. అలా తనకంటూ ఒక ప్రత్యేకమైన గుర్తింపు తెచ్చుకుంది. అయితే అంజలి హైదరాబాద్ లో జన్మించింది. తన వ్యక్తిగతంగా, వృత్తిపరంగాను ఎంతో ఉన్నంతంగా ఉంటుందని తన ఇన్ స్టాగ్రామ్ లో పోస్ట్ లని చూస్తుంటేనే తెలుస్తుంది. అయితే జనవరి 24, 2015 న సినిమా రంగంలో పనిచేస్తున్న సంతోష్ పవన్ ని పెళ్ళిచేసుకుంది అంజలి. అప్పటినుండి తన పేరును అంజలి పవన్ గా మార్చుకుంది. తన ఇన్ స్టాగ్రామ్ లో ఎప్పటికప్పుడు అప్డేట్ చేస్తూ ప్రేక్షకులకు దగ్గరగా ఉంటుంది అంజలి పవన్. అంజలి తన భర్త పవన్ తో కలిసి 'నీతోనే డ్యాన్స్ షో' లో పర్ఫామెన్స్ చేసింది. వాళ్ళిద్దరి పర్ఫామెన్స్ కి జడ్జ్ లు రాధ, తరుణ్ మాస్టర్, సదా అంతా ఫిధా అయ్యారు‌. ఈ వయసులో ఇంత చక్కగా డ్యాన్స్ చేయడం చాలా కష్టమంటూ రాధ కూడా తనని పొగిడారు.

అయితే బిగ్ బాస్ సీజన్-7 కి తను సెలెక్ట్ అయినట్టు తను చెప్పకనే చెప్పింది. తన ఇన్ స్టాగ్రామ్ లో 'ఆస్క్ మీ క్వశ్చనింగ్' స్టార్ట్ చేసింది. ఇందులో తన అభిమానుల్లో ఒకరు 'మీ ఫెవరేట్ డేట్ సెప్టెంబరు 3 నా' అని అడుగగా.. అవునని అంజలి అంది. అదే కాకుండా సెప్టెంబరు 3rd ఒక సర్ ప్రైజ్ ఉందంటూ ముందుగానే రివీల్ చేసేసింది అంజలి. దీంతో బిగ్ బాస్ గురించి అప్డేట్స్ ఇచ్చేవాళ్ళంతా అంజలి పవన్ బిగ్ బాస్ 7 కి కన్ఫమ్ అయిందని తెలియజేస్తున్నారు. మరి ఇందులో ఎంతవరకు నిజం ఉందో తెలియాల్సి ఉంది. కాగా ప్రస్తుతం ఆమె తన ఇన్ స్టాగ్రామ్ పేజ్ లో ఇలా అడిగిన క్వశ్చన్స్ ని తను చెప్పిన ఆన్సర్ అన్నింటిని డిలీడ్ చేసేసింది. మరికొన్ని రోజుల్లో మొదలయ్యే బిగ్ బాస్ సీజన్-7 కి ఫ్యాన్స్ ఆసక్తిగా ఎదురుచూస్తుండగా ఇలాంటి ఊహగానాలు జరుగడం కామన్ మరికొంతమంది అంటున్నారు‌.